常在我心中

今日放工聽到呢首歌:

消逝了的歌風聲正低唱
前事與記憶都一一記起
又記那一次風中看滿街燈
長夜裡燈光最美

長夜看星光心中記起你
曾合唱的歌心中奏起
夜半冷風裡心底暖意昇起
全為了心中有你

難忘記當天身邊一切人與事
常懷記歌曲那份悽美
情義記曲即使不再重聚
常在我心中有你

hehe, really! Depsite the aphorism : A friend in need is a friend indeed

I have another aphorism to approach love, That's

A lover indeed is a lover I need!

The six years with u , Love, respect and happiness keep fresh everyday.

I am  in a state of bliss all the time. Thanks for your love, respect and tolerate my bad manner.

 

With you and baby, I am full of luck, love and well-being.

 

Love you and need you all the times, chi ho and baby tictic......Kiss kiss

端午佳節

琴晚我同你爸爸去左聖安娜買粽應節 (積分加一蚊) 仲煲粥tim 都好好味 但點知半夜肚痛 我諗太油啦

嘻嘻

黎到今日巳經係第四日假期啦 放到個人悶晒

一早起身 九點執到十一點 都係執緊個衣櫃 (仲要搞到鼻敏感 好辛苦)

而你爸爸談大少就訓到成隻死豬咁

做死我啦!!!!! 點解大肚婆冇人幫  呢排成日都keep住執屋 好想迪b出世有間靚屋住 有靚覺訓

但d家務好似十世都做唔完 好彩之前老爺幫我洗左個廁所 個人都開心d

依家望下個肚 迪b你真係就黎出世啦 我個肚好大呀 好驚呀 哈哈

迪b 你爸爸話今日同我去街 依家佢仲大大緊 跟住又話要洗車 唉 即係冇得去

好嬲呀 !  我悶左兩日啦~

你快d出黎同mami講番句公道話呀!

爸爸mami既故事

今日覆完診 聽番好多好多以前既歌 諗番好多以前同你爸爸拍拖既事 浪漫既事

諗諗下忍唔住攞番d相出黎睇 (連衣櫃執執下都冇執) 原來以前爸爸同mami真係有好多好多完美既回憶

由海洋公園第一次約會 第一次拖手仔 第一次......嘻嘻 到認真的結婚

我們從沒有人家說的一生承諾 沒有轟天動地既約定 我們有的只有信任 和開心生活 (都幾純品架) 

結完婚買左樓 有埋車 就諗到要迪迪你啦 於是MAMI就陀住你啦 (本來我地想你係 埃及BB 但你黎遲左)

 好回味以前拍拖既日子 去旅行 行街街 等你爸爸帶我出去玩 一見到你爸爸我就好開心 好緊張

依家都開心 但日日見住 冇左以前分開住既難捨難離 朝早見佢打機 夜晚又係打機

都唔似得以前焦點O係晒我身上 算啦 lover 或者couple 真係應有大家既私人空間

你就黎出世lu 我地好快連二人世界都會冇埋 但我一D都冇唔開心喎

因為你公公婆波成日都話 :

人 係應O係適當既時間做適當既野 錯過左就返唔

到轉頭

讀書時好去讀書  拍拖時應好好拍拖 到適婚年齡就好結婚 有仔係要趁嫰生

呢一堆既說話真係好啱 人唔把握機會 永遠冇進步既機會

迪迪BEBE 你明唔明呀 唔好任性 唔好自負 追求安穩開心 係好緊要~

                                         WE LOVE U 你的爸爸mami......                                                

好upset 好down 啊

今日 琴日 唉 都好多日前啦 好sad 好冇mood

個人成日想發老皮 想搵人出氣 講到出氣 首名出線一定係迪be爸爸啦

但係佢每次都好醒 可能操練左六年 摸熟我劣性 好似一早計到我會發癲一樣 早在我發癲之前已做好晒佢應

做 要做既工作 (例如 洗衫 執屋 洗車 ) 到我想鬧既時候就可以大大聲咁 : 咩呀 我執左屋啦喎!

或者到我瞟到佢打左好耐機 未出口媽义之際 佢就熄機睇波睇馬仔 :吹咩

唉呀 好想發洩呀 有冇人可以比我鬧呀!

今日迪迪be令我好辛苦 好痛 (第二十八週子宮膨脹) 痛之餘令我覺得自己好笨重 好憎自己咁樣

真係好sad  迪迪bb 你幾時出黎呀 雖然我好enjou陀住你既感覺 但呢種感覺愈黎愈沈重

人又重 心情又重...... 

(嘻嘻 你依家又踢緊我 發我老皮 喂 小朋友 可唔可以細力d呀 好痛呀!)

愈買愈多

哇 今日大出血呀 買左好多野比迪迪bebe

話說今日mami同你婆婆去覆診 做咩葡萄糖測試迪迪be 我又為你抽左七支血呀 大佬

~_~痛之餘 個杯死人葡萄糖水難飲到極點呀 老細 (嘻嘻 mami開始好粗魯 等我換番溫柔既一面 )

好難捱先過左兩個蹱 我同你婆婆都呆左悶死左 終於走得 我地一支箭坐紅巴去荃灣剪頭髮 食午飯

經過千色店:一個出血之地 第一件事 見到我買比你張床仔減價 之餘仲有我地鐘意既象仔圖案 激死我!

好彩你唔甘心既婆婆一問之下 原來個張係display  呵呵 好彩冇蝕

知道冇蝕之後我同你婆婆開始癲左咁睇野買野

戰利品如下: 保溫奶奶袋 好鬼得意既毛毛蟲口水肩 奶粉格 好cute既紗巾 大象扣扣

買完之後 mami開始好想訓 累了 (我成日形住d血流失左) 同婆婆食完mcdondon say bb

就陀住你 "論論盡盡" 地鐵完再巴士lu  你呀 真係愈黎愈重 救命!!!

                   迪b你d衫仔邦未show四出黎呀 死未                   

摸摸

小迪小迪  你知唔知 計唔計到一共有幾多對手摸過你呀?

mami都唔記得有幾多人摸過我個肚lu 有d人摸到你郁 有d摸好耐都等唔到你郁

嘻嘻 而我就唔洗摸都知你有冇郁

講開摸摸 其實我一直都唔係好敢好直接摸住你好耐 總係驚你會一腳伸埋黎

今日去廁所時 突然好用心咁摸你 個陣你冇大力郁 只係細細力郁 好得意

個種細細力 究竟係你心跳 定係你訓緊覺 "扯鼻寒"呢 哈哈 我愈摸愈覺得得意

你就黎出世啦 到時mami唔再靠摸自己肚皮感覺你 而係直接抱抱你 哄你

雖然我好想快d抱你 但我今日又好enjoy你0係mami個肚度 種感覺係好親切 好正 好神秘 嘻嘻!