銅仔_赤柱_九龍城

                 mami返工半日 成功趕走幾個mortgage客 勁happy哩

              上下網 回應下各位嘅留言 睇下各位blog 好快又收得工

             ti爸抱左titi落嚟比我d同事見下 佢地都話titi大個左好多呀

                                        呵呵 梗係啦 食奶架嘛 

     離開公司 就去左銅鑼灣食飯兼買奶粉 居然比我地見到張柏芝呀

            我知佢嗰b係食同一牌子嘅奶粉 但冇諗過佢都係喺city super買喎

                   佢真人都飲得杯落呀 唔知佢囝囝第日俊唔俊呢?

                  今日嘅lunch去左沙嗲王度食 titi一入到沙嗲王就勁喊

              好明顯比佢地嗰d海盜擺設嚇親啦 張檯又暗 氣氛又恐怖喎

      之後待應哥哥同我地換張光猛d嘅檯 titi就開心返lu 仲比我地影相tim

                  呢件衫係個客喺韓國買返嚟比titi架 謝謝

                 

                         

             

            食飽飽 我地決定去赤柱行下 好似好耐冇去過嘛 順便去食toast呀

         個度有間餐廳d toast整得好好好食架 但可惜今日去嗰度勁多人 食唔到

                             食唔到toast 唯有行下街街啦 經過市集 去到海邊

                    好舒服啊 d風好爽 唔凍 我地成家都鬆晒 真係好醒神哩

                        mami又同titi影相相 影到最後尾 titi可以無啦啦訓左覺

         

         

                         我地唯有走佬 ti爸就車左我地去灣仔医肚

      哈哈 食左好耐冇食嘅金鳳菠蘿油 超正呀 最衰賣晒雞批啦 mami嘅最愛

          離開灣仔 就返荃灣接埋ti爸出九龍城打個冷先 有蟹粥食呀 呵呵

               今日titi全日都好眼訓 但仍勁熱衷行街

              心情爽靚絕呀  佢絕對係一個街精!!!