過埋今晚 titi就八個月大啦
每逢一號 mami就會幫titi整慶祝會 唔係無聊架
當中係一個大project嚟嘅 依家titi有八個旦糕
仲有四個旦糕 就完成mami一直計劃嘅大project啦
除左十二個旦糕project之外 mami仲好努力喺公司整緊titi嘅日記呀
幾項偉大工程下 還要應付日常工作 放工照顧titi
mami嘅精神開始不繼 病起來呢
感謝奶奶嘅體諒 幫我睇左titi兩日 直至ti爸返嚟先接返佢
奶奶 我地六月去上海玩餐勁嘅 當作一個小小獎勵呀
titi 八個月啦 祝你日日開心 身體健康
聰明活潑 人見人愛
打破一歲唔病嘅紀錄 ( touch wood~ )
永遠愛你的mami 爸爸
titi嘅嫲嫲送嘅愛心"意大利蕃茄"牌旦糕
今日返工幾開心呀 因為幫個客賺到錢
個半月咋 幫佢賺到八萬九千蚊 超開心 (雖然唔係自己錢)
個客勁開心 仲係咁話要請我食自助餐 thanks呀
好耐冇試過咁有滿足感 咁自信 yeah!
第二樣開心嘅野 就係mami買左新相機啦
一直以嚟 mami都留意左好耐 買咩新相機好呢?
眼見偶像小米媽媽同小米影嘅相超靚 心思思想換部相機
終於有機會啦 我部sony開始壞壞地 bingo!
mami首選輕便d 但又想要professional嘅機
方便隨便攞出嚟影 於是請教左同事個客
佢係英國皇家攝影學會嘅高級會士 有name card架!!!
嗰個客影相超勁呀 我見過佢好多作品 影d風景影到好似油畫咁
我初初睇好耐都唔信係相 c都話佢嘅作品係畫出嚟嘅
點知張張都係相 仲要係好有詩意 有意境嘅相
佢影嘅人像呢? 唔洗講 佢攞本album出嚟
特首 高官 明星 模特兒 全部都攬住佢合照 仲要豎晒手指公呀
出自佢手嘅人像好靚呀 好實 輪廓好出 我冇學過攝影都覺得好靚
我請教左佢好多野 佢好有心機咁教我 仲叫我買咩相機好
佢叫我唔好買咁複雜嘅機 d function我唔識較 用唔著
所以我諗都唔諗買左佢介紹嘅canon呀
係一部結合傻瓜機嘅輕便 單鏡反光專業於一身嘅機
依家部機可以較auto 亦可手動 自己較快門同光圈架
mami要幫titi影多d相
除此之外 我仲同個客吹多d水 諗住約佢出嚟幫titi影輯相呀
如果佢肯就好咯 我諗佢退休都心技癢架啦
我尋日問過佢一次 佢話叫徒弟幫我titi影
仲話佢嘅徒弟都好pro 幫開雜誌社同廣告公司影相
聽完有d唔開心 做咩叫徒弟喎? 擺明拒絕我
但...我真係好想佢幫我影呀
我深信各位媽媽見過佢嘅作品 都冇意再去studio影相
仲會跪低求佢幫自己baby影都制呀!
真係好得 好靚呀
為左titi 我會繼續說服佢嘅 加油!!!
但今日去有度好 就係好清爽呀 唔熱唔焗
如果summer去就慘啦 又熱又焗 又有蚊針
(作病中嘅mami 很沒精神啊 今日終於病左)
離開馬灣 我地就去左荃灣廣場度飲下午茶 開心
再之後呢 我地出返去九龍城嘆我地嘅至愛
打冷 yeah~ titi仲食左半碗潮州粥呢!!!
一個美滿嘅星期日 就此完結 so happy ar!
天文台話今日間中會有雨
但我地一於少理
趁住ti公有假放 決定衝入馬灣
一早ti爸同mami去左hair cut先
之後會合埋titi嘅公公婆婆
撘船入馬灣呀 之前聽人地講馬灣點靚點靚
想去好耐架 但奈何一直未去過
所以今日特別心情特別開心同期待呢
原來住柏麗灣都有d唔方便呀
船期半個鐘先一班
見d人等巴士都等好耐咁呀
(會唔會反而平日繁忙時間好d 班次會密d?)
去到碼頭附近
去到馬灣梗係要去馬灣公園啦
馬灣公園係同濕地公園好相似嘅一個公園
蚊多 樹多 草多 花多
