好消息 好消息 mami今日終於見到titi企起身喇
相比起其他bb titi好似慢左人半拍 依家先扶住床邊企起身
之前佢淨係識企 唔識自己"掹"住野企起身架
一來佢驚c 二來佢懶 唉 所以一直都唔敢唔想扶住起身
今日返屋企 mami洗衫 擺titi喺床度 哈哈 佢終於扶住床邊自己企起身喇
其實佢起身之前有比signal我架 mami擺佢企喺度
佢就喺度試跌落去嘅感覺 再度緊點樣坐落去可以企返起身
如是者 一直見佢望住自己對腳 終於比佢領悟到
2008年6月30日 星期一
2008年6月29日 星期日
小病痊癒勇闖megabox_西貢海鮮
多謝各位關心 titi今日冇晒事咯 但食完藥有個"散"樣
一早mami去titi度 餵個病豬食藥 哇 今次有三枝藥水呀
家佢一見到枝針筒就喊 合埋個嘴 唯有快手快腳搞掂佢
食完藥 titi好快就訓左一個鐘喇 佢一起身就同佢去荃灣廣場食lunch
順便買左個kitty嘅combi水杯比佢 本身嗰個喺佢嫲嫲度 買多個用咯
離開荃廣 我地就出去mega box行街 買野 titi呆呆滯滯 噢
搞到mami都行到冇咩心機呀 離開mega box 就接公
轉戰西貢全記食海鮮 titi嫲嫲中左馬仔呀 哈哈
一個好和味嘅bonus 所以佢今日做萬歲 仲請埋titi公公婆婆呢
mami見titi仲有兩日就十個月 於是就揀今日切十個月旦糕喇
除左旦糕 睇下今日有咩餸??? 呵呵 好幸福啊!!!
2008年6月28日 星期六
titi第一次發燒
就嚟十個月喇 titi第二次病倒了
一早起身 titi全身好滾呀 探一探 37.6度 都ok
mami要返半日工 心掛掛 titi有冇事呢?
打電話返屋企 ti爸話titi玩得好開心 唔似病
好快收工 titi如常落嚟接我收工 mami一摸 都熱熱地喎
但探出嚟都係37度到 再睇定d先
lunch過左 titi好累咁呀 成日好嗲咁趴喺我地膊頭度
所以今日決定去titi太婆 一來落雨 二來titi病 三來都要探太婆
喺大捕 探完太婆 就去左吉之島行一陣 街市買海鮮
是日晚餐由mami負責煮海鮮 有帶子炒蜆同東風螺
全部食材都超級新鮮 食得好開心
titi今晚喺婆婆度渡假呀 我地走嗰陣
titi好精神 好開心咁 同我地byebye 仲飛埋吻tim 衰妹丫
titi 今晚早d訓 聽朝我地先嚟接你咯
(佢明明少少燒 但好精神 唔扭唔喊 titi我地好佩服你呀)
2008年6月27日 星期五
黃金靚相~thanks shampoo
thanks shampoo 嗰日幫titi影咁多靚相 辛苦晒
期待下一次 gathering ( alvin媽好似唔見左人咁 聽日搵下佢先)
shampoo 快d改mpf組合啦 哈哈
2008年6月26日 星期四
點有人訓喺度睇書書架
呢排很累 做咩都唔上心咁 好憎自己咁樣呀
懶洋洋 咩都唔想理 咩都唔想做 連blog都唔想打
titi日記仲有兩個月(一歲) 就打完喇 到時唔知會唔仲懶d呢
講到懶 titi個衰妹仲懶 返到屋企 mami開歌仔比佢聽
佢坐喺sofa嘅同時 見到drawer裡面嘅書書 就要mami攞比佢
titi接過本書 就訓左喺度睇 唉 未返學就知佢第日點讀書
點可以咁架 mami之後用第二本書引佢起身
起左身攞左第二本書 二話不說就訓返低 唉
titi豬 你咁嘅學習態度點得架? 完全冇mami嘅讀書遺傳喎....
2008年6月25日 星期三
titi會叫爸會叫媽
好開心 好開心 今日好肯定titi叫我 " 媽"喇!!!!!
之後佢都有"媽媽"聲 但我未好肯定係唔係叫我架
爸爸就唔同呢 見到佢係叫爸爸先"baba"咁叫
佢喺獻個月多d就叫 baba 但一直未叫mama
每次爸爸一收工 佢就好開心 好大聲叫 "ba"
而我呢? 真係未試過架 所以今日佢叫我 我好感動呀
佢玩玩下lego 揸住個黃色 望住我 笑笑口 遞比我 "媽"
噢 titi 你令媽媽好感動 有d激動tim (真架 唔好笑我啦)
呢次係我肯定佢識叫我嘅一次 唔係隨口媽架
mami收到半季佣喇 超級開心 可以去玩咯 嘻嘻
返到屋企 見個個呢排都興幫bb化妝 mami點會執輸丫
幫titi整左幾款 哈哈 titi靚唔靚先 (我已經特登幫佢化淡妝架喇)
呵呵 原來個衰妹化妝之後就係咁嘅樣喇....
