一月二十三日 (年廿八)
一月二十四日 (年廿九)
一月二十五日 (年三十)
十六個月至十七個月閒記
呵呵 好懶呀 好耐冇update過blog喇
全情投入同titi過呢個新年 所以日日返到屋企都好攰
加上返到屋企都忙住整日本d相 整yee ee個video
另外 仲要幫titi set up一系列嘅教材 (超辛苦) thanks ms.x嘅幫助
有機會喺度好好同大家share自作教材丫 ^^
呢排佢學野學得超快呀 要努力d先得喇
tima開始覺得冇時間打blog 因為身邊嘅bb長大喇
開始好多野要教佢 陪佢 盡量比佢覺得你全情投入同佢玩
佢已經唔係以前淨係識食奶訓覺嘅titi tima冇時間喇...
依家打緊blog都掛住想陪玩呢...
今年新年冇好似上年咁攞假呀 因為聖誕同新年相隔一個月都冇
加上星期六 (年廿九) 至星期三 (年初三) 一共都有5日假呢
呢5日可以一家三口過 tima好心滿意足lu
年廿八
tiba收工 我地同嫲嫲一家落左樓食飯飯呀
食完飯飯 就去左超市 辦多少少年貨 順道湊下熱鬧嘛
titi見人地包花紙 表現得好好奇呀
行完超市 tima就陪titi買故事書 返屋企講故事...
年廿九
唔洗返工 開心喇!!!! ti公ti婆急住見titi 一早就過左嚟霸位飲茶
飲完茶就同titi去公園玩 大家都笑到咭咭聲
之後就join聰少行旺角花市
titi一入到場 就指住個特大pooh pooh氫氣球講 "mine" (買)
ti公同聰少二話不說就想搶住比錢 tima一問之下 哇 七十蚊
七十蚊一個星期 好貴呀 囡呀囡 不如買個細架啦
呢個titi 點都指實pooh pooh 噢 買啦...最後公公比錢
買完pooh pooh tima居然買埋另一個elmo小波波比titi
嘻嘻 算啦 新年嘛 titi最鐘意pooh pooh 同elmo架嘛
(反省!!! 唔可以寵titi!!!....但你睇下佢咁開心 算啦 呵呵)
行完旺角花市 就陪ti公去醫肚 (查實我地好飽呢)
之後就出返翔龍灣食太婆嘅團年飯
呢餐團年飯好好味呀 tima好珍惜每一餐嘅團年飯
飽飽之後 就送太爺返去訓覺 我地就去行維園花市
去到銅鑼灣 居然有街錶呀!!! 仲要係等左幾分鐘咋
去到維園 都唔算好多人啫 今年好多牛牛製成品呀
tima最鐘意嘅有牛角包 肥牛毛巾 牛牛帽...可惜鐘意嘅一件都冇買
淨係買左個桃花風車咋 三十蚊 好靚呢...
titi行行下 訓左覺咯 我地都返屋企lu...
年三十
一早同ti嫲去街市食粥 順便去街市檔口睇年貨
好多野買呀 tima想再買d花 所以就近近落返維園喇
一口氣買左好大棵桃花 最愛嘅黃金百合 仲有小小花仔
返屋企整好d花 就落筲箕灣試下新開張嘅太爺雞
一試之下 愛上了 真係唔錯喎 平靚正 難怪咁多人等位
飽飽就返太古城行街 行到咁上下就回家咯
返到屋企 titi幫手擺糖果 封利是
上年仲係bb 今年就識得擺糖糖 下年要陪mami揀糖果呢
tima幫titi換上"聰明伶俐"大紅褲一條 ($28)
條褲喺旺角花市買架 應節同埋討意頭嘛
著條咁旺嘅褲食奶奶 特別醒神嘅
yee ee同聰少喺呢個時候送上年三十團年湯圓
仲附送埋蕃薯糖水呢 yeah 係mamii嘅最愛呀
飽飽就快d訓 聽日仲要去拜年架
新嘅一年 我地一家三口都會努力 加油 !!!
