元朗B仔涼粉記

五月三日  好好天之後落狗c

二十個月至二十一個月閒記

 

                             公公婆婆休息 星期日一齊去玩咯

                            公公對元朗有情意結 就去元朗啦

            過隧道時 一望 哇 三十蚊 好貴呀! 來回都冇左六十蚊lu

                   好彩唔係住元朗啫 嚇親呀!!! (之前都冇咁貴架)

 

                            去到元朗 例必同阿ti入貨 d衫平靚正

                   掃左條好靚好啱心水嘅牛仔裙比阿ti去旅行著

                                   仲有件tee 超級開心!!!

                  買完衫 婆婆話好攰 想坐低食野 就一於去b仔涼粉啦

                   

        ~~    幾勁 連續幾分鐘個樣都冇郁過呀 哈哈 tima冇較快拍架 ~~

                    

     

    

                          阿ti去到b仔涼粉 好開心 仲食左好多生果

                        婆婆就係咁讚佢地嘅腸粉 咁又真係幾香滑嘅

 

                        離開b仔涼粉 我地去左一個唔知咩mall度行街

           tima買到裙同衫 而阿ti就哄到公公送左架日本"地鐵" 比佢

                    架野都唔平呀 公公諗都唔諗就買 真係寵壞阿ti...

                            既然有架咁嘅"地鐵" 就一於去公園玩啦

                                我地衝左去元朗公園 喺草地玩一陣

                 

                 

                

                

     

     

                   

                    

                tima望下個天 唔對路 突然咁黑嘅 於是叫佢地快d返車

                              哈哈 果然冇估錯 行到去parking有d雨粉

      

                           上左車 "喳"一聲 好大雨呀 好彩好彩

                      晚餐去左荃灣廣場食珊瑚堡 阿ti食好多野呢

                  呢排佢食好多野 高左好多 但臉仔都冇肥到....~_~

              仲有呀 佢依家識講嘅野真係mark唔到喇 好多好多呢

               一句句咁講 唔洗人教 例如 : 媽咪唔好搞 titi要飲水

                      或者係 : 媽咪 借借 唔該 比titi位飲奶奶...

                       飲完奶就話 : 飲晒 唔該比媽咪 titi落地....

               嫲嫲同tima努力特訓阿ti 年尾要去做K1嘅interview呢

               據知呢個interiew好睇佢禮貌 轉數 同獨立 加油呀!!!!