小ti由出世到現在 儲埋儲埋好多靚衫
除左靚衫 仲有好多好多玩具同公仔
雖然佢出街冇扭計買野 但總有d人(主打公公)點都要買份野比佢
哈哈 真係冇佢收 知你地錫佢 但真係too much喇!!!
我地一直唔想阿ti係嗰種要風得風 要雨得雨嘅小朋友
所以好多時都狠心唔應佢要求架 或者要佢達到某一要求先會做
講就咁講 但有時都衰心軟 哈哈 好似呢隻大tigger
事情諗返去做完interview嗰時....
佢一見到就好嗲咁行過去抱實 : 嗯 tigger 你好乖 跟我返屋企啦...
Tiba & tima : ~_~ 係咪即係要買?
小Ti : 佢話要跟我返屋企食奶奶呀!
Tima : 你好鐘意呀? 好啦 見你頭先答晒老師問題...但係 佢咁大隻
你係唔係真係鐘意架?
小ti勁high 肉麻抱住佢 : 我好鐘意呀!!!!
哈哈 果然真係好鐘意呢tigger呀....頭一個星期 ~_~
之後 可憐嘅tigger被踢入冷宮咯
Tima : titi呀 你隻tigger仲玩唔玩架? 一係送比其他小朋友好唔好呀?
小Ti : 好呀 我鐘意同小朋友share呀 我會分享架!
Tima : ~_~
公主房就嚟唔夠擺野喇 希望唔好再收咁多"大型玩具"啦
Really 2 much la.....
P.S : 有冇人唔介意要二手衫同玩具呀?
如果我肚入面既係女, 我唔介意要Titi D舊衫 hahahaha
回覆刪除[版主回覆07/25/2010 09:59:00]好呀
你快 d 生多個女啦, 咁 d 野就有用啦 ! 哈.
回覆刪除[版主回覆07/25/2010 09:58:00]生多個唔係依家諗啦 等小ti再大d先 依家集中火力一個先
之前d衫有d冇咁靚就比左人 靚就唔捨得比呀 嘻嘻
桐桐同TITI一樣, 一見到大公仔就攬住話要帶返屋企, 不過好彩佢有個狠心媽咪, 通常扮低睇唔到, 走左去 ^^"
回覆刪除[版主回覆07/25/2010 22:26:00]哈哈 我唔夠你狠心 但多數我地都RejECT架喇 冇計 ^^
我完全唔介意接收Ti Ti 的玩具呢
回覆刪除[版主回覆07/25/2010 22:25:00]come come 埋嚟睇埋嚟揀 ^^
多多都剎...haha....不過唔係我.... TI婆拎咗阿TI以前件BURBERRY格仔裙俾muimui... 係啦...靚既得意既...送咗俾人又好似唔捨得.... 但...留係到又好阻掟咁.... 所以每逄新年...我都唯有咪埋眼...掉哂D嘢落袋一次過拎去送俾人...
回覆刪除[版主回覆07/25/2010 22:29:00]係咯 依家唔敢買太多喇 送比人唔捨得呀 ~_~
Ti媽：你買啲衫衫咁靚，我等你講呢句好耐啦！哈哈！留幾件俾詠詠得唔得呀？
回覆刪除[版主回覆07/26/2010 19:53:00]我上次飲茶都話比詠詠架啦 等我揀下先
哈哈 Tima應該搵日打篇blog係接收舊玩具/舊衫 等我地d媽媽們都可以''埋黎睇埋黎簡''
回覆刪除[版主回覆07/26/2010 19:56:00]哇 咁厲害? 可以諗諗
你吾擺下先？可能有意外架喎！哈哈！
回覆刪除[版主回覆07/26/2010 19:53:00]意外嘅野唔會發生喺我呢d咁有planning嘅人身上架 呵呵呵