復活節一起上廣州 (一)

23.04.2011 Cloudy

 

哈囉! 又係我談titi送上開心遊記

今個復活節 本來一家開心去沖繩玩架 但種種問題令到媽咪冇大假放 所以唯有趁四日假搵d地方玩下

正當媽咪苦惱到要死之際 嗲地隨口一句 上廣州玩兩日咯 good! 就係咁 就促成左兩日一夜超級開心之旅

繼長隆之後 呢個短旅行都係值一百分架

好玩嘅代價往往都係早起 我地六點就喺巴士度 睇下我對眼幾腫 唔靚女咯

搭完巴士 好快就到左火車站

我同媽咪真大鄉里 第一次搭直通火車返大陸架咋 嗲地話d火車有新有舊 好好彩 我地去程係新嘅火車

我成日都覺得自己嚟緊要搭飛機 所以成個人醒晒

你知啦 我地一家真係好鐘意旅行 每一個旅行都會玩得好投入

去到火車站 公公婆婆已經坐左喺度 叫定早餐比我地

佢地幾時都咁細心咁貼心 多謝公公婆婆

食飽飽 比佢地迫我去埋洗手間就上車咯

我三歲唔洗買車票 但冇得佔座位咯

今次阿仔dondon都有跟埋我去 但佢好懶呀 去到廣州媽咪話佢成日唔想出街 情願留喺屋度訓覺

我地架火車會去到廣州東

坐火車兩個鐘到 坐巴士就差唔多四個鐘

有d人會坐港深 但係我地唔建議假期坐港深 點解?

比d hits 我地返嚟見好多人排隊坐港深 (要買即場票) 再要去羅湖迫 而我地過關得幾個人

嘻嘻 新d靚d嘅火車有兩層架 冷氣好夠 座位舒適

仔呀仔 我地又去玩喇!

未到廣州前 我訓話dondon一陣 話比佢知返大陸會有乞衣公捉佢架 要佢拖實我....

公公婆婆一上車就攞晒d零食出嚟 哇 兩個鐘咋喎

好鐘意婆婆...佢抱左我半程呀

半個鐘喇 有d悶 到未架?

畫一陣畫 訓左一陣覺 到喇!!!

yeah 唔洗十分鐘過左關 反而等的士最耐

廣州嘅的士好矮 都係香港嗰d好坐

但廣州的士收費好平

放低行李...

我地向第一個目的地進發 途經麥當勞 我即刻發揮扭雪糕技能 可惜失敗...

原因裡面太多人喇 入都入唔到...

正當我頭dupdup眼濕濕之際 抬頭一望

有便利店呀!!! 扭雪糕技能again

成功!!! 食一啖先對鏡頭笑一下啦

行左十分鐘 終於到我最愛嘅目的地...