照4d 原來好好好開心

哈哈 星期一即係二十八號 雖然返左半日工好辛苦 無人幫我 無人理我

但放工照完4d之後 心情好開心!

放工join埋lo照4d 去到個度仲以為會好多人排隊 點知又唔多喎

好快入左去照啦 哇 第一次見到迪迪bb個真樣 好清楚 好得意

佢合埋左隻眼仔 有時伸脷 有時托腮 好得意 睇真d 哈哈 好似似我多d喎

唔知lo會唔會呻醋呢 ~u~ 依家d科技真係好得 依家七個幾月可以咁清楚見到迪迪b個樣

雖然姑娘話佢太貼近個子宮影得無咁清楚 但0係我一早收貨啦 一千蚊係值得既

照完之後 我一直無停過笑 好開心 好幸福 迪迪b 呢d都係你帶比mami既

之後食完雞記 行海港城 終於買左"咩"帶 lo揀左紅色 嘻嘻 紅魔鬼

今日係呢排 最開心 最滿足既一日 一家三口行街街!

依家mami成日睇住你d相 諗住你個bb樣 呵呵!

                              呢個樣似足迪爸側面 哈哈 真係好似呀                                       

                                   呢個就好似mami個咀咀同下巴呀