哈哈 星期一即係二十八號 雖然返左半日工好辛苦 無人幫我 無人理我但放工照完4d之後 心情好開心!
放工join埋lo照4d 去到個度仲以為會好多人排隊 點知又唔多喎
好快入左去照啦 哇 第一次見到迪迪bb個真樣 好清楚 好得意
佢合埋左隻眼仔 有時伸脷 
唔知lo會唔會呻醋呢 ~u~
雖然姑娘話佢太貼近個子宮影得無咁清楚 但0係我一早收貨啦 一千蚊係值得既
照完之後 我一直無停過笑 好開心 好幸福 迪迪b 呢d都係你帶比mami既
之後食完雞記 行海港城 終於買左"咩"帶 lo揀左紅色 嘻嘻 紅魔鬼
今日係呢排 最開心 最滿足既一日 一家三口行街街!
依家mami成日睇住你d相 諗住你個bb樣 呵呵!
呢個樣似足迪爸側面 哈哈 真係好似呀
呢個就好似mami個咀咀同下巴呀
星期六晚 19/05/2007 我地屋企發生左一件大事
屋企魚缸滲水 d魚被迫放入大筒內 幾經辛苦先放好晒 d魚仔好似好驚咁
放完之後先知死 冇臨時氣泵!!!!!! 好似之前比我揼左出街喎
養過魚既人應該知道 d魚冇左氣係死硬架 換言之 d魚個晚一定會死
諗到呢度 我地個心突然一沉 依家得兩個方法
1. 快快手將d魚送去廁所 按一按掣 d魚會消失晒
2.等第二日d魚死到發脹晒先送去廁所
諗左一陣lo二話不說 將筒d魚倒晒去廁所 (包括佢最有感情 最鐘意既勁大蒼魚)
呢條小蒼變大蒼都係兩年既時間 呢兩年佢陪住lo過左好多個睇波既夜晚 好有感情
lo倒完既一剎 喊左出黎 : 真係死左啦! 
迪b 個晚你知道爸爸 mami喊得咁傷心呢?
迪b 如果大蒼魚未死你會好鐘意 定好驚條咁大既魚魚呢?
點都好 我心裡面總覺得大蒼魚係有心整穿魚缸去成全迪b有間大d既房 大d既空間
我地永遠都會記得你 談大魚!
母親節在星期天 個日我同左老爺奶奶姑仔 去左香港一日遊 
先到清真館食個靚午 之後行一陣九龍城 未來嫲嫲買左兩件好得意既衫仔比迪b 我都好鐘意
之後去左黃金海岸 去到個度我發覺迪b今日好少大力大力踢我 (唔似平日大力大力咁對我)
唔和係唔係迪b想0係母親節對我好d呢 嘻嘻
之後我罕有地要求老公幫我同未出世既迪b影相（因為大肚後 肥腫難分 好唔鐘意自己個師奶ｌｏｏｋ）
我企0係
I Love U
石凳前影左一張相 覺得好滿足 雖然都係唔好睇 但好ｗａｒｍ 之後仲一家三口 再影左一張
迪ｂ 雖然你未識同我講母親節快樂 亦未會同我切下旦糕 送下花仔
但我今個母親節都過得好開心 好滿足ｌｕ 好新奇（ 
呢個算唔算我第一個母親節呢？
自從認識老談之後 我學識付出 愛一個人要付出 以前我淨係識講 唔識做
我愛我家人 但實在付出有幾多呢 好似唔係好多 唔係好識
直至同老談拍拖 結婚 我知道我學會付出 對家人 對朋友 付出比以前多好多
到左依家 陀住迪迪b 我更加知道世上媽媽真正付出係咩野 我真正明白母親節既意義係好大
陀住迪迪b你 比人笑肥左都慣lu 大件左 麻煩事多多 
有時照鏡見到自己個肚 :好大呀 好恐怖呀 以前雖然唔係時時keep到好 fit 但未試過咁驚照鏡
隻腳腫到著唔到鞋 硬晒咁 小腿肌肉抽晒筋 從未有過既痔瘡蒲頭 仲有陰道炎
洗頭洗唔到 剪腳甲 著襪著唔到 ~_~
做媽媽好似付出好多野 好辛苦 好惶恐 (但我算好彩 好多人體諒我 支持我)
雖然講到咁慘 但
我深信世上既媽媽心中都有這樣的一條方程式:全部既付出 (不一定要等於) 回報
只要迪迪b在我肚子裡健康的郁來郁去 打我數百下
只要有天你對著爸爸mami 笑一笑
只要有天你會認人 會叫我們一聲 或者用小手扣住我們的大手掌
這一切都足夠我們尖叫 足夠我們樂一輩子了!
呢排個心好唔舒服
好似尋日聽講座 話媽媽生完流好多好多血係正常既
話媽媽谷奶個乳房硬到石咁係正常既
我......愈黎愈驚 愈聽愈驚 愈諗愈多野
再係咁唔得啦 我就黎系mami 如果我自己唔夠 tough 點去照顧迪迪b呢
好! 寫到呢度 由依家開始 死就死啦 我會比心機去做人地mami 就好似以前學做人地老婆一樣
歌妮mami 加油!
