唔想見人

大家今日仲見到我打blog就知bb仲唔肯出黎 唉 好煩呢

今日已過左預產期既第一日啦 點解仲未有動靜既 好煩躁呀

煩躁黎自好多野 一來係唔知幾時出世 好不安 二來係我愈黎愈醜樣 動作愈黎愈笨拙呀

幾時出世我都開始唔諗 還掂今個星期四都催生咯 bb點都避唔到架啦

但愈黎愈醜樣就真係頂自己唔順啦 鼻大 皮膚變黑 條頸同"加拿大"好似有d老泥咁 好肉酸

人地話好多孕婦都係咁 生完就唔腫 唔黑 個鼻都會變正常喎

係唔係架 如果變唔番之前咁點算呢?

除左樣醜 "論盡"都係一個問題 有時喺屋企一跌野就好麻煩 我要就住就住咁字腳夾番佢上黎

大件d既就要等迪爸返黎執lu 另外 著底底都要著幾分鐘 你話係唔係好無用呢 激死人啦!

識我既人都知我最怕等 同最無耐性 依家咁樣等法 我真係覺得好辛苦呀

p.s:

我幾時先想打電話比人同埋想見下d朋友呢~