果然好彩冇入医院 呵呵

正所謂見紅未有紅 穿水未有水

~_~ 仲未到我既?

果然今日都係坐番o係屋企打blog 好彩琴晚冇入医院o者

如果唔係就悶死我地兩母女 仲要冇覺好訓

今日產假第四日lu 好悶呀 不過算啦 待產嘛 係咁架啦

如果放大假咁悶就慘d 依家我諗緊坐月點算 (我琴晚都暗示過奶奶我會坐月逃跑架啦 佢好似冇咩反應)

嘻嘻 但走佬唔可以帶埋迪b喎 我驚我搞唔掂呀! 一係奶奶 一係屎屎 (講下o者 走得到到先算啦)

今早睇到一個待產媽媽既blog 佢生左啦 真係happy 幾時到我呀

我知道迪b都好勤力練習出世  因為佢而家日日都打幾次"C EGG"黎練習呼吸架 mami宮縮時

佢都練習緊點配合我 我諗佢個時其實應該唔舒服架 加油 迪b

bb mami陀左你好耐 好累了 你早d出黎啦 我要幫你影相相 幫你扮靚靚呀

迪爸好似慣左mami事無大小都匯報一餐  佢開始聽到我話要入院都唔驚啦 嘻嘻

好! 迪b 既然你同mami呢九個月合作得咁好 我地要一齊努力 直至你見到mami迪爸為止 好冇!

p.S: 迪b 你唔好嬲mami喎 自從医生話你頭仔入左盤骨 我就成日形住你個頭"cake"住左o係個臭臭"屎塔"度 勁無奈的樣子

之後整個b調轉左 手仔腳仔就係掙扎咁郁 哈哈 超低能 勁搞笑

 

........Sorry mami唔好 但真係好好笑 哈哈