好有錢嘅好爸爸

                         mami今日做左一筆jumbo case嘅保險

                    超級開心呀 但唔敢開心得咁早 (怕個客過唔到cooling嘛)

                  如果成功過埋cooling 筆佣金係勁勁勁和味哩 有$XX,XXX.00

                        但真係過左cooling先算 到時可以去開心下咯

                 幫我買保險個客係新認識嘅 好好好有錢架 淨係擺定期都有二百萬美金

        唉 攞佢嗰少少錢嚟做 對佢嚟講濕濕碎啦 同埋佢今晚返廣州 之後就返L.A

                          即係話過cooling比較容易 可以yeah一半先啦 

             呢個咁有米嘅客除左有四千幾"粒"喺度 仲有錢喺其他bank 哈

                         見佢咁有錢 以為佢一定好著重生意同錢啦

           點知傾落計先知 原來佢去L.A係陪個女讀書 佢隔日就要返大陸睇生意

                 好激呀 原來呢個世界真係有parents可以為仔女咁辛苦架

                   大佬 隔日兩邊走喎 美國同大陸喎!!! 淨係機票都唔少野

                  幫佢簽完單 握握手做個好朋友 望住佢嘅背影 突然好多野諗

                         究竟佢囡囡知唔知佢爸爸為佢付出咁多呢?

                         有咩推動力可以令呢個爸爸咁辛苦三邊走呢? (中美港)

                     最後......佢地幾時先洗得晒d錢呢 哈哈哈哈 (洗得晒都幾辛苦下)

                             原來有錢嘅爸爸 都可以係一個好稱職嘅好爸爸