歡送小子晚會

                               喺yahoo blog識到好多朋友仔

            而我最鐘意嘅朋友仔當中 小子媽一定會係其中一個

        小子媽係一個超級nice嘅媽媽 同佢交朋友嘅感覺好舒服

               溫柔 大方 斯文呢d全部都可以用嚟形容小子媽

                    好可惜 小子媽要返屋企咯 好唔捨得佢呀

      雖然只係見過三次 但我真係好鐘意佢 好願意同佢講自己嘅心事

           尋晚我同alvin媽 小喬媽就幫小子媽搞左個farewell party啦

          party地點係九龍灣pizza hut 我地一班friend底都冇咩點食野

    三個鐘係咁影相 傾計 好開心 冇諗過喺blog可以識到咁夾嘅朋友仔

     

        小子同titi嘅青蛙之約 兄妹裝呀

  

   

   

    

   

   

    

   

   

                    未去party之前 我同ti去左買波衫比小子呀

                   希望小子媽鐘意呢份禮物 當作一個紀念吧

                       ee送嘅阿仙奴波衫 很合身呢

         titi就著左ti爸最愛~ac米蘭  型唔型呀?

   

     

                 

     

         點解titi次次一見到小子就喊嘅?

         人地都冇搞你 咪扮晒野bor 

     

    

    

       我同alvin媽 小喬媽傾得傾得好起勁 小子媽總會笑笑口咁望住我地

                  終於要分開啦 望住小子媽一個人推住bb車嘅背影

            我覺得小子媽好叻呀 一個人可以take care得小子咁掂

               如果比我一個人 又推車 又掟住個大袋 又抱住baby

                           我一定搞唔掂 小子媽 你真係好叻呀

                     祝願你地一家三口快樂常在 回程順順利利

                 最緊要係身體健康 希望你鐘意我地送嘅波衫仔啦

                                             你的好友 titi媽