頭痛mami vs.奸精燒賣titi

                     頭痛  一起身就頭痛 今日星期日 聽日星期一

           唔想返工 累呀 悶呀 煩呀 全部都可以形容mami今日嘅心情

                        titi今日係咁激嬲mami啊 做咩都好冇mood

      平日一有holiday 諗到同titi去邊度都開心 充滿衝勁嘅mami唔喺度咯

                      死沈沈懶洋洋 唔係titi要買奶粉都唔想出去

                唯有出沙田啦 行左一陣鬼咁多人 搞到頭痛更甚

              行到bb部 哇 d媽媽狂掃衫咁 太煩啦 決定同titi去開餐

              

             

           點知titi第一件事激嬲我 就係佢發老皮推開我餵佢嘅spoon

                噢 成件衫都係燴飯 mami忍住 (都知titi唔識 唔係有心)

                     但都難免有眼神上嘅怪責 叫左一聲 : titi 曳呀!!!!

                            喺sushi店都係咁玩 令人頭痛呀!!!

   

              

                      離開沙田 mami頭痛勁左 都係返婆婆屋企休息

                           訓左一陣 titi叫醒我 都ok啦 冇咁頭痛

              titi喺度玩搖控器 玩玩下 一次又一次好大力咁打我個頭

                     打完仲要扮唔知打到我 吹晒口哨嘅樣 奸精燒賣!!!

                       呢次mami有d火光喇 大聲吆喝 : 喂 titi!!!!

             titi望住我 哎呀 個衰妹嬲喎 佢瞟左我一下 就要第二個抱

                     食完飯 titi再令ammi生氣喇 mami決定唔睬佢

              知婆婆靠得住 錫佢 就笑晒咁對住婆婆 現實嘅奸精燒賣

           見到mami就唔理 一係就扮見唔到 同mami鬥氣 笑都唔笑呀

     

    

    

    

           於是我地兩母女大家都冇理大家 婆婆叫我抱 titi我都say no!!!!

                    直至上車 titi都唔想比我抱 (我都唔想抱你架 嘿)

         返屋企途中 titi爸爸做和事佬 講左一大輪 mami覺得自己都有錯

                      於是同titi講野喇 初初個衰妹都唔望我 唔理我

                        後嚟我錫佢一啖 講 sorry 佢先望我一眼呀

                 唉 原來十個月大嘅baby都識嬲 都要face架 搞鬼

              返到屋企 titi同mami好 friend咁攬埋一齊玩煮飯仔咯 嘻嘻

         女性動物都係煩d架喇 如果有日我同titi聯手對付爸爸 哈哈 小心啊~~~

                      

                titi 你大個睇返呢篇野 要知道mami一頭痛就唔惹得啊!!!

                    ps: 大家有冇留意 "此刻心情" mami未試過mark angry架

                            今日要整返個憤怒表情先!!!