請送上最美的greeting^^

               

                               愈嚟愈接近titi同我嘅bright day喇

               九月一號 係我同titi嘅生日 我就2x歲 titi就一歲喇 ^^

         mami打足三百六十五日blog 去紀錄titi一歲前嘅一點一滴       

          幾時識坐呀 幾時出第一隻牙 幾時打針 幾時叫我一聲mama....

               就係咁記 一記就記足整整三百六十五日 好感觸呀

             上年嘅今日 我入左瑪麗催生 三十一號一早入產房

               個衰豬整蠱我 要到九月一號先肯出世 順產八磅呢

                 喺呢一年嚟 多謝好多人嘅幫助 包括屋企人 朋友

                     作為一個新手媽媽 我覺得自己都算合格丫

                     titi大個女喇 嚟緊會報bb班 囡囡開始讀書喇

                   囡囡唔再係以前任我"舞"嘅bb 佢有性格 有情緒...

                     titi過左一歲之後 我要學多d點樣同小朋友溝通

                    另外 我著重嘅 唔再係同佢點扮靚 同佢去邊度

                開始要比學習意識滲入titi嘅生活 mami會同ti爸努力

                    老土d一句 : 為左titi 我地一定會加油 一定會!!! ^^

 

                       mami為左titi嘅bright day 整左一個movie呀

           整左半日 睇完自己有d眼濕濕 我做左一年嘅功夫 都算不賴啊

      titi mama真係好努力寫呢個blog 希望日後你會睇到啦 (yahoo唔好close blog) 

                      喺mami送上最美好祝福嘅同時

             亦都希望得到blog友們嘅greeting

  希望睇到呢個page 都可以祝titi一聲生日快樂呢

          見過 未見過嘅blog友都好 mami見到呢d祝福 就知心血沒白費呢

          多謝大家一年嚟嘅交流 大家要努力啊 ^^

                   讓我們送上最好的祝福

                         

          

 

              聽日titi嘅生日會會喺club house舉行 希望會係順利 難忘啦