親善大使談titi

                  titi呀titi 你可唔可以唔好成日出街"new"人同你玩呀?

           成日對住人笑晒口 揮晒手 搞到d人喺咁掂你嘅手 摸你塊臉

         依家d人又係 個baby同自己三九唔識七 都可以問人可唔可以抱

   見佢咁誠懇 可以又驚有病菌 (現實d講句 識就唔怕啦) 唔可以咩 又好串咁

        今日titi足足做左一日親善大使呀 一早就落灣仔換信用咭禮品

          喺金鳳買雞批過何文田搵titi嘅另一個太婆 太婆精神好好呀

   titi仲好識做咁嗲太婆 哄太婆 令太婆好開心 之後titi收左封生日大利是

           

            

            

  

           mami好開心titi冇扭計冇喊 比太婆任抱 仲同太婆笑得好開心

                        同熟人親戚朋友be nice mami好開心 都好欣賞

      落到樓 titi撞到太公 同太公揮晒手 飛晒吻 mami仍然覺得開心同欣慰

     但問題嚟喇 同太公閒談嘅"朋友" (七十幾八十歲公公婆婆) 個個都想抱titi

   吓? 有冇力架? 正當mami諗緊呢個問題之際 一隻二隻手向titi嘅臉同手伸過嚟

     噢 公公婆婆 你地d手有冇洗? 噢 手指申有黑邊呢 (咁講好衰 但呢個係事實)

                        點樣解圍? mami好快咁"彈"titi隻腳一下 噢 titi喊啦

           mami同婆婆講 : titi想食奶 "扭計"喇  於是成功閃人 上車幫titi手仔消毒

               lunch去左太婆附近嘅一間茶餐廳食 mami以前返bb班之前 

           ti婆一定喺度買包包比我架 到依家 2x年喇 間店仲喺度 d食物仲有ok水準

         

              離開太婆 我地去左法國醫院探朋友 titi再做親善大使 全電梯嘅人都叫

                     搞到sister修女 男人 妹妹 姐姐 哥哥 都同佢玩 同佢傾計

              今次好d 冇人伸出嚟 但問題就一籮籮咁 幾大呀? 哎呀 佢笑呀......

        mami唯有 : titi hi啦 係喇  哎呀 唔好意思 我地到啦 係呀係呀 titi bye bye啦...

                一出到電梯 個衰女仲喺度笑 好似好enjoy同人玩咁 繼績同人揮手

                咁當然 佢令生病左嘅ee都好開心 呢個就好值得鼓勵嘅 ^^

                離開醫院 就衝左去尖咀city gate 泊好車 好多媽媽 好多baby呀

                 呢兩年真係好多人生仔 做bb生意真係有得諗呀 加油加油

                  

                  

         再落去反反城附近賣bb衫嘅 哇 d媽媽見到d日本 tee四百幾一件諗都唔諗

                     鞋仔呢? 六百幾一對都ok 不過 真係幾靚嘅 同埋質地都好d

                 mami就只買一件半件 唔似得d媽媽喺度瘋狂掃呀 hk ppl咁有錢嘅.....

          離開TST 我地就返荃灣愉城 同埋公公食飯 再影埋奥運 panda.....返屋企lu