十二月三日 咁多日天氣都very nice 感謝神嘅眷顧
楽しいTokyo -DAY FIVE- 淺草雷門 - 海濱幕張 - 松阪牛 - 成田機場
話咁快就嚟到東京5天遊嘅最後一日喇 媽咪話好感恩呢5日天公造美 一切事情都好順利 我地7個人都玩得好開心
媽咪 TITI都好多謝你帶我見識咁多未見過嘅野 今次我表現好好 係唔係下年可以再去呀? 不如下年同嫲嫲去丫...
食完08年東京最後一個早餐 媽咪亦嘆埋最後一日奶奶 仲有佢最愛嘅味噌湯...
之後小泉生就帶我地去左淺草嗰邊 喺嗰度我見到一個好大嘅紅色燈籠呀 我好鐘意嗰度 好舒服 好自在 媽咪仲比我自己行嚟行去呢 佢地大人有大人買手信 我就繼續纏住公公同我扭波波 (扭旦) 公公同婆婆好鐘意呢度呀 係咁買野比人 好似傻左咁 再望下YEE EE...唉 更加唔洗講 成條街搬返去好過啦 都係媽咪同嗲地好 全程陪我行下 影下相
行完淺草 我地就去埋幕張嗰邊 呢個地方得間AGNIS B可以買得下 媽咪喺嗰度買左D文具同埋KEY CHAIN 本來想買件褸比我 都計起唔太抵就冇買...依家佢後悔到C呀 哈哈 嗲地嗰句千金難買心頭好係真架!
喺agnis b裡面 姐姐見我悶悶地 就拎左大筒lego比我玩 喺我玩得好開心嗰陣 有個日本妹妹走過嚟 我想同佢握手 佢唔理我呀 跟住我摸佢件衫衫 佢居然扁扁嘴就喊 媽咪見個妹妹喊 覺得好唔好意思 仲係咁同日本媽媽講sorry呢 而我? 喺另一道門走左lu 哈哈哈哈
其實幕張已經係我地最後一個行程喇 離開幕張 我地就去食鐵板燒放題 而今次放題當中 我地加左錢 買左一盒松阪牛同一盒神戶牛呢 松阪牛就兩萬yen 而神戶牛就6500yen 兩樣都好好味 當中以松阪牛最抵死 盒裡面有張證明書架 而證明書上 有你食隻牛牛嘅生前照 你可click返條link入去睇下佢叫咩名 佢父母個名 仲有佢張靚相
媽咪同yee ee一見兩盒牛嚟到就想食 於是都唔記得影塊牛嘅大特寫 淨係影得個盒 失敗...證明佢地恨左食件牛好耐啦 哈哈 燒呀燒呀 好快就冇晒 呢餐仲有食日本咖喱飯 牛呀 豬呀 咩都有得食 如果自遊行去呢間度食都幾抵 幾好食!!!
今次旅行 玩夠 睇夠 食夠 嘆夠 係時候返屋企喇 司機哥哥車左我地去機場 同我扡揮手say bye bye
喺成田機場 居然比媽咪搵到成田機場個playroom比我玩 等我地等之餘冇咁悶...玩左一陣 我地入閘咯 可愛嘅東京再見喇 雖然我可能好快唔記得你 但我喺14個月大嚟探你係一個事實 第日睇返d相 一定都好開心呢
東京東京 我走左 你記唔記得我架? 我講多次我個名丫 我叫Titi呀!!!
富士山再見喇 保重呀 你唔好曳曳唔好成日匿埋呀 你咁靚 要多d蒲頭嘛 ^^
東京嘅baby 再見喇 原來你地屋企咁凍架 我初初都好唔慣呢...
多多指教 下次嚟我度玩啦...
最後...媽媽話:
Titi 你今次好聽話 好叻叻呀! 充份表現出eq高過媽咪好多好多(慚愧...) 成個trip你都表現得好開心 好專注望野 媽咪亦睇得出你好鐘意接觸新事物 有見及此 媽咪可以放心plan同你去第二度玩呢^^
呢次日本之旅 最意外嘅得著係教識你 A B C D E 呢幾個字 哈哈 真係一日教一個字咁 返到嚟 你仲記得 依家仲識得指住嚟讀 非常好呢!
謝謝你為媽咪寫左一篇咁詳細嘅遊記 媽咪第日睇返一定好開心 thanks~
每張相都有編碼 媽咪曬相之後一釘 就成為我地一家嘅開心遊記...第一本同titi旅遊嘅遊記...titi 你估下你下年肯唔肯再為媽咪打遊記呢? 咭咭
沒有留言:
張貼留言