十一月二十九日 天色很好 滿意滿意
楽しいTokyo -DAY ONE-台場的一夜
落左機 媽咪就抱住我去過關 日本海關姐姐好好人架 一見到媽咪抱住我就比左 priority我地 哈哈 好快就過到關喇...喺呢個時候 我決定要留返d野喺成田機場 嘻嘻 我大大左呀 媽咪熟練地抱我去洗手間 哇 日本嘅洗手間好好呀 設施好齊全 我訓喺combi cushion度換片好爽呀 唔似得香港嗰d咁硬
乾淨晒 導遊哥哥就帶我地上車車喇 我開始肚仔餓 好彩媽咪都準備好奶奶比我 之前媽咪聽人講 (上網同朋友) 日本d水雖然乾淨 但始終軟硬有別 於是帶埋三枝水比我 起碼安心 唔驚我肚仔痛嘛 所以四日都係飲香港水 而最後一日媽咪就比日本水我飲
一路吮奶 一路聽小泉生野 原來我地今晚去台場呀 嗰度嘅夜景好靚架 有彩虹橋啦 電視台啦 仲有好靚好靚嘅摩天輪 而媽咪更加興奮 因為台場嘅palette town同venus town都有好多野買 佢話想去hysteric mini 奶咀b度買返學用品比我 仲有x girl呀...
到喇到喇 d風涼涼地好舒服 一d都唔凍 但喺呢個時候 媽咪幫我戴冷帽 鳴鳴 好焗呀!!! 我想除左佢 但佢地話好靚 於是..算啦 靚就戴啦
第一站係台場嘅豐田汽車館 嗰度好多車車呀 新款啦 cutie啦 cyber啦 咩類式都有架
我地喺嗰度逗留左一陣 本來媽咪想比yen試揸車車 但yee ee捉左佢走呀 點解? 因為佢地見到大摩天輪就喺出面咋 媽咪唯有下次先玩啦
我地走左去palette town裡面嘅古靈精怪shop 嗰度好多得意野 媽咪喺嗰度買左朱古力皮banana 唔知好唔好食呢?
喺佢地血戰hysteric嘅同時 公公自告奮勇衝去麥當當買飽飽比我 好感動呀 公公你淨係識講英文咋喎 洗唔洗叫嗲地幫你講日文呀? 嗲地呢? 原來都陪埋媽咪血戰奶咀b 最後買左好多野先出返嚟
影完就去行palette town同venus fort 兩個mall都好靚 特別係venus fort呀 好有歐陸情懷 媽咪好鐘意個噴水池 咁又真係幾靚嘅
聰少無啦啦大叫 原來佢見到好大架貓巴士 哇 真係好得意嘅貓巴士 我喺嗰度玩左幾分鐘 好開心呀 玩到媽咪叫走 我先同貓巴士講再見喇 有機會再嚟探你啦 bye bye...
行返去集合地點 一路上都比景色吸引住 夜晚嘅台場真係靚好多 仲有媽咪最鐘意嘅摩天輪都著晒燈呢 媽媽 你抱得我咁實 仲係咁錫我 你一定好開心啦 你開心 titi都好開心呢...
上車行唔夠5分鐘 就到左台場另一邊食飯嘅地方 今晚有1500yen嘅coupon 我地決定食拉麵同餃子 呢間拉麵都好好味 夠熱...仲有溏心旦呢! 我見佢地食得咁開心 我梗唔蝕底啦 我都食左第一啖日本拉麵 yeah 多謝婆婆幫我求情 我見媽咪初初唔想我食架 佢話驚油喎...其實都係一啖啫 唔洗驚啦...咭咭
飽飽咯 我地上左去影彩虹橋 順便影埋隔籬嘅東京鐵塔 好靚呀 媽咪同嗲地去左拍拖 而我就跟公公婆婆行一陣 台場好多靚衫買呀 但媽咪話yen貴 計返條數都唔抵 所以冇買到 哈哈 咁又慳返
聰少話要去筋肉擂台呀 我地一行七人就衝上去lu 上到去 聰少想玩踢波呀 哇條隊咁長嘅? yee ee同媽咪第一時間話落去台場懷舊街度shopping 留返我公公婆婆同嗲地喺度等...媽咪唔知有冇買到野呢?
食又食飽 行又行過 係時候返酒店lu 媽咪一路上都有d擔心我訓酒店會唔會唔慣 雖然滿左一歲 但始終未喺其他地方訓覺嘛
今晚住嘅酒店叫新橫濱太子 酒店附近有好大間supermarket 佢地落左去掃munmun 唔洗半個時 有野飲 有野食 媽咪買左個好靚嘅pancake 我咬左兩啖都覺得唔錯 除左鞋同襪 哈哈 好爽呀 媽咪 你唔洗擔心 我好開心好enjoy 今次旅行你見到我嘅適應能力啦 我應付到呀 唔洗驚 唔洗擔心...
白白完 媽咪幫我著和服睡衣 我好唔鐘意 好唔開心...媽咪點都要我著 我唯用喊嚟示威啦...點知媽咪都堅持我著 著完仲要影相 嗰陣好唔開心 後嚟少讚我靚靚 公公又讚我靚靚 我去照鏡 好似又真係好靚喎...好啦 就著一陣啦
唔知幾時 喺邊度 我一覺訓到天光咯
我人生中第一次旅行嘅第一日就咁開心完結 要叉夠電聽日去puroland呢
沒有留言:
張貼留言