十一月三十日 天氣好得不能再好呀 Yeah!!!
楽しいTokyo -DAY TWO-御殿場-珍寶魚生船-富之湖
行完平和公園 媽咪同嗲地仲好陶醉呀 媽咪幾度發癲 : 好靚呀 好靚呀!!! 而yee ee更加癲到嚇屎人 拉住聰少跳舞 唉 點解我有d咁嘅屋企人嘅...公公婆婆就彼此依偎著...原來靚嘅風景真係令人咁開懷 titi仲細真係唔明呀...
車程唔洗10分鐘 就到到箱根嘅御殿場Premium outlet喇 聽小泉生講 呢個outlet有歐洲貨式 有美國貨式 當然都有日本貨式啦 媽咪之前做足功課 決定淨係去幾間店
第一間就係 Beams 之前媽咪同嗲地去日本都好鐘意掃 beams 佢地嗰陣去池袋 原宿d款多好多呀 可惜今次唔經 所以唯有喺度睇下有冇衫買比我啦 皇天不負有心人 媽咪成功搶左件好靚好型嘅衛衣比我 都係百幾蚊咋 佢仲搶左件110碼 希望著多一年都得嘛 喺佢地比緊錢嘅時候 我已經知道件野係我架喇 梗係啦 每次佢買衫比我 實會同我照鏡 我話"要" 佢先比錢架 見收銀靚仔比袋野媽咪 我就急不及待搶左去喇 yeah!! 靚靚 我最貪靚架喇....媽咪仲幫我喺beams櫥窗影張相呢 開心~
第二間就係GAP喇 一入到去 哇 d價錢都唔係好平咋喎 媽咪買左掛喺櫥窗嘅粉紅衛衣比我 二百蚊到 都ok丫 例牌地 合照一張....
第三間係媽咪必買嘅Miki House喺香港嘅Sogo有正貨 都真係好貴 所以一直以嚟我都係得一件A貨Miki House 嘅野 嚟到Miki House outlet d野依然好貴呀 對鞋都四百幾 媽咪買左個香港未見過嘅背囊比我 超型超靚超平 媽咪好開心呀 仲係咁同我講返學可以用...佢都傻嘅 返學有學校bag架嘛....但見佢咁開心 嗲地同我都好開心 ^^
之後 我地去左nike買衫比嗲地 仲有 levi's addidas angel blue等等 媽咪本來好想去lego架 但去到見個門面麻麻就冇入去咯...於是 我地一抽二抽咁返上車lu 上到車見其他鴨仔都返晒嚟 雖然冇late 但都好似好唔好意思咁!!!
佢地掃完貨 個個都好累呀 而我都唔例外 頭先 outlet好凍呀 而車就暖暖地 好舒服...就係咁 我忍唔住又訓覺豬咯
當我訓醒嗰陣佢地已經到左酒店 仲開緊餐喇 唔制呀 又唔等我!!!
佢地今晚好開心呀 因為之前order嘅jumbo size魚生船有得食喇 佢地忍唔住快d影完相就快d食喇 我見到個龍蝦頭仲郁架 但我一d都唔驚 仲走去"篤"佢隻眼tim
媽咪同yee ee最快進攻 海膽 三文魚 龍蝦 左口魚 拖羅 帆立貝 墨魚 琵琶蝦 牡丹蝦 赤貝 仲有佢地未食過嘅瀨反蝦刺身 見佢地爭住食就知好好味 好鮮甜啦 媽咪你食埋我嗰份啦 titi食飯得喇 yeah 都係公公最醒目 整左半碗日本靚飯比我 滿足!!! 二萬yen食得咁開心 都好抵丫 魚生加牛牛 每個party圍起都係500HKD到呀...
以為佢地好飽? 錯喇 佢地上樓仲諗住食琴晚喺新橫濱酒店買嘅杯麵呀 一人一個 又係我冇...唯有去食少少媽咪嘅滑鳥冬啦 都真係好好食 佢地一路傾計 一路沖杯麵 呢d家庭gathering時間 大家都好珍惜...
每日佢地返酒店都必定打開晒d門 比我走嚟走去 但今晚我點都喺婆婆間房...老實講 我唔係好鐘意今晚住嘅富之湖酒店呀 幾次都表現出不安仲比媽咪知道tim...其實媽咪一開始都預左富士山附近d溫泉酒店唔多老泥架喇 估唔到我真係咁唔鐘意 好彩 後尾我因太累都肯訓...但迷糊間我記得我 nightmare喊醒左 媽咪嗲地喺隔籬房聽到 即刻衝過嚟話接我返房 但婆婆好堅決話唔洗...於是佢地就返房訓 媽咪仲今晚仲有個好bad嘅experience呢 喺呢度唔講啦 呵呵
大家睇下我揸住隻奶咀b公仔靚唔靚 係沙搥嚟架 我超級鐘意 yee ee 你唔洗再問 唔賣呀 哈哈哈
見唔見到個miki hse袋? 媽咪好鐘意呀 低調得嚟高調 哈哈哈哈 喺香港呢d bag賣千幾蚊呀 依家三百蚊搞掂...仲有兩件衛衣 唔錯喺戰績...
食完杯麵 我地就玩和服睡衣party喇 今晚係最後一晚有呢種和服著啦 聽晚池袋嗰d新式酒店唔會有...所以今晚盡情玩返晚咯 聰少仲好醒問日本哥哥攞多套bb size嘅和服仔比我 著上身一流呀 但我偏偏唔鐘意和服 所以媽咪好無奈幫我影得一副靚相咋... 而全家福就影得好靚 媽咪用帶過去嗰枝細stand影架咋 個位都算 set得唔錯啦呵?
玩完和服誘惑之後 我同公公婆婆就白白覺豬咯 而嗲地媽咪yee ee 聰少就去浸溫泉 媽咪話個溫泉好唔得呀 仲衰過台灣 北海道 於是佢地浸唔夠十分鐘就走咯 佢地一行四人去左溫泉入口喺按摩椅度玩呀 聽佢地講都幾抵架喎 100yen有十分鐘 仲好舒服架 按到媽咪好舒服好冧 嘻嘻 按摩途中 佢地發現一枝富士山天然水 個包裝就好靚喇 但好唔好味架? 等我問下佢地先...
唔好意思 我想問下幾位 呢隻富士山天然水好唔好味呀?
四位都話呢種富士山天然水好味 咁一定好好味喇 titi都係唔阻你地按摩喇 我返房覺豬 因為聽日會見到好靚好靚嘅......
你地成程都係瞓床唔駛瞓榻榻米呀?睇你咁寫間酒店同個溫泉似乎真係好唔掂咁喎...同埋個支溫泉水真係咁正?見你地個個幫佢賣哂廣告
回覆刪除[版主回覆12/09/2008 10:07:00]係呀 好彩唔洗訓榻榻米咋 之前去訓榻榻米我訓唔著呀
支水都好正 因為浸完溫泉 飲住嚟按摩嘛 特別good呀 ^^
我都好想浸溫泉喔
回覆刪除[版主回覆12/09/2008 10:06:00]唉 嗰度個溫泉唔得架 北海道嗰d就得 有夜景睇 好靚 仲落住雪浸
呢個室外就得個細pool 冇景 冇暗燈... 反而室內嗰個pool仲好呀
(Empty)
回覆刪除[版主回覆12/09/2008 09:55:00]野~~~~~~~~~~~~~
嘩！好味呀！睇到都想食呀！
回覆刪除一家人去旅行真係開心！
[版主回覆12/09/2008 09:54:00]隻龍蝦先新鮮 出嚟嗰陣對眼仲郁緊架
一家人去旅行真係開心過兩個去好多
回覆刪除ti媽同titi一樣好可愛い（かわいい）
[版主回覆12/09/2008 09:53:00]多謝 佢可愛過我啦 我咁嘅年紀仲叫可愛 我驚嘔c人呀 咭咭
見到都好想食, 一定好好食!!!
回覆刪除[版主回覆12/09/2008 09:53:00]好新鮮好好味呀 但d yen貴就搞到好似隻船都貴左...但都值得嘅 人少就買唔到咁大隻嘛 ^^
嘩...淨睇相都FEEL到你地個個好開心..好溫馨呀...
回覆刪除呢張相TITI好搞笑..佢真係好似好嬲咁呀..唔想影相
[版主回覆12/09/2008 09:52:00]係呀 佢嬲左全世界 一去到呢間酒店就咁喇 哈哈
好似一個任性女呀
間酒店做乜野呀~?? 唔係見到果味野呀~??
回覆刪除[版主回覆12/09/2008 09:51:00]似係呀 嗰晚係咁扁嘴 訓得唔冧
呢樣野我都預左喺富士山有機會架喇 但好彩冇事 都ok嘅
佢表現得唔自然咯...
你地四個好relax禍
回覆刪除[版主回覆12/09/2008 09:49:00]睇落去係啫 但其實都好累架 ^^
我第一次去個時都係要去富士山住,都同你差唔多呀~~but好彩冇乜事~~而家d yen貴左好多啊!miki冇特價鞋?我個時有d款唔新,but都ok架,百幾蚊咋~我聽完你講,唔知去唔去御典場outlet好呀?
回覆刪除[版主回覆12/09/2008 19:42:00]有呀 但特價鞋都四百呀 我見佢太多鞋冇買喇 百幾蚊就冇啦
嗰度得gap同beams咋 但日頭去見到好靚嘅富士山衰婆 你又去日本?????? 唔準呀 上年先去完 唔比呀 哈哈哈
不過一家去真係好開心 同埋行行婆婆去咯 當報答佢咁用心照顧兩小朋友嘛
信我丫 一家人去好sweet架 ^^
titi今日真係收穫豐富呀?titi而家著100碼架喇?
回覆刪除[版主回覆12/09/2008 19:39:00]查實呢 我冇去睇咩碼咯 但一定唔買九十碼 有時120碼都買 嘻嘻 著耐d嘛 最少著佢兩年啦 yeah
我上次又好好彩喎, 係 miki house 買到對涼鞋 2100yen 咋, 仲要 made in japan, 真係勁開心
回覆刪除[版主回覆12/10/2008 12:01:00]係呀係呀 喺嗰邊買到miki hse嘅野真係最開心 喺hk唔捨得買呀 應該話捨得買 但之後唔啱著比人唔捨得 呵呵
隻魚生船好正呀....你地一家咁多人一齊食就好抵啊
回覆刪除[版主回覆12/11/2008 10:07:00]係呀 如果得兩個人叫一千蚊嘅船就好貴呀 依家一個party一千有魚生船 松板牛 神戶牛 仲有牡丹蝦 好好好抵呀 特別係公公婆婆唔多食 抵晒 呵呵 好衰呀~~~
一次睇哂你的行程, 正呀! d正d流的刺身, yummy
回覆刪除[版主回覆12/13/2008 17:37:00]我最愛龍蝦刺身...^^
隻"船"好大呀, 見到都流口水
回覆刪除[版主回覆01/15/2009 20:00:00]咁多人夾先抵呀 如果少人去就唔叫架喇 ^^
不錯喔.謝謝分享 . . . . . .
回覆刪除