二月十日
十七個月至十八個月閒記
喺度寫下星期六日去左邊先
星期六去左中環h&m 金鐘行街
跟住喺嫲嫲屋企hotpot
星期日去左apm同mega box
就喺mega box撞到blog友天行仔
天行仔好靚仔呀 tiba都忍唔住話: 幾靚仔喎
可惜tima唔記得幫佢地影相...激氣呀
除左撞到天行仔 我地喺mega box買左張毛毛枱比談titi
咩叫毛毛枱? 除左pooh pooh 叮噹 titi好鐘意elmo架
每次見到elmo都叫毛毛架 所以張枱就簡稱"毛毛枱"喇
有書讀 自然要有書枱啦 tima堅持唔買摺枱
書枱要穩穩陣陣 雖然摺枱有d有safety lock
但tima覺得書枱總係正正經經嘅好 正所謂必先利其器嘛
揀左好耐 都係呢種木枱最好 穩陣正經夠靚
貴就係貴d 但呢張枱最少用到k3呀 值回票價啦
titi返到房 見到張毛毛枱 好開心呀
依家佢最鐘意喺度畫畫同睇書 可以自修半個鐘都唔出聲架
多謝毛毛枱 令tima可以有時間重溫流星花園 呵呵
未返學就有枱,真係威到呀.....好野
回覆刪除[版主回覆02/11/2009 17:23:00]低b 未返學好多人都買枱啦 ....你今日唔同我食飯 好唔開心呀
titi 真係乖女喇！
回覆刪除[版主回覆02/11/2009 17:22:00]肥仔都好聽話丫 希望titi同肥仔愈大愈聽話啦 ^^
書枱真係要穩穩陣陣架...安全d嘛...咁有無放枱燈啊...??
回覆刪除[版主回覆02/11/2009 17:14:00]要買呀 但依家唔買住 佢坐下企下咁 我驚"熱"到佢呀 何況佢睇圖畫 d字好好好大粒 呵呵 應冇問題住嘅 但返學都要買呀
可以自修到半個鐘. ..好叻女啊..我叫阿女坐係樹三秒鐘都唔得丫.
回覆刪除嘩..titi真係好乖女呢..自己咁靜坐係到自修..佢應該係個幾文靜既小女孩
回覆刪除[版主回覆02/11/2009 17:21:00]似佢老豆 好文靜....呵呵呵呵
titi好叻喎，可以自修半個鐘。
回覆刪除[版主回覆02/11/2009 17:21:00]佢唔係叻 真係痴線架 都唔似小朋友 冇嚟活潑...我仲活潑過佢呀 陰公...但出街就周圍跳 一時時 冇佢收
titi好叻叻呀,樂樂就一定唔得 lo
回覆刪除[版主回覆02/11/2009 17:18:00]個個唔同架 佢坐咁耐唔等於好 iq高嘅小朋友應走嚟走去嘛 佢咁坐定定淨係表示佢有耐性
其實我覺得呢個係習慣嚟架 反而我想佢去睇video 佢唔肯睇電視架 偏偏小朋友應多看電視 學野快好多架
呢張elmo枱幾靚喎
回覆刪除[版主回覆02/11/2009 17:18:00]仲有公主同車王...去買丫 喺 megabox spotlight呀
titi剪左頭髮?? 個look大個女左好多呀
回覆刪除[版主回覆02/11/2009 22:53:00]哈哈 好野 剪左少少都覺 勁呀
titi就好啦!時時有得去街!
回覆刪除[版主回覆02/14/2009 22:30:00]夏天行mall好d 好熱呀 冇得去咁多公園咯 ^^
咁睇黎買咗張毛毛枱，最開心係tima你喎，哈哈哈。
回覆刪除[版主回覆02/14/2009 22:32:00]哈哈 講真 我成世女最憎係 pooh pooh 叮噹同elmo 點知個女最鐘意呀!!!! 依家成屋都係 一d都唔開心呀 !!!!!!!!!!! ^^
仲有咁大個Elmo係度添啊.難怪Titi都係張檯度嘆藍莓la
回覆刪除[版主回覆02/14/2009 22:33:00]係呀 佢呢排嘅至愛 佢好鐘意食生果架..
早啲買張書枱等titi早啲學習坐定定睇書!
回覆刪除[版主回覆02/14/2009 22:34:00]佢坐得好定架 都唔知好定唔好 但肯定佢唔係資"yau"生 坐得咁定...^^ 見到你online好緊張呀 加油加油....(tima肉緊中)
可以坐到半個鐘, 專注力好強呀
回覆刪除[版主回覆02/25/2009 23:44:00]呢排差d呀 之前真係閒閒地半粒鐘架