♡ 楽しいhokkaido-Day One-航機上 ♡

六月二十八日

香港有雨 札榥清涼無雨

                  

♡ 楽しいhokkaido-Day One-航機上 ♡

早晨呀 媽咪!!! 其實我仲好眼訓....

今朝媽咪一早整醒我 要我食奶奶 嗰陣好似五點幾咋 可憐嘅談titi

好彩佢地琴晚同我提起今朝要早起 所以我都早有準備 琴晚九點幾就訓覺喇 嘻嘻 都有幾個鐘訓到

食完奶奶 媽咪同嗲吔就執埋d野 我地出發咯!!! 呢次係我第二次去旅行 好開心呀! 多謝嗲吔媽咪

六點鐘約左嫲嫲同姑姐 佢地見我拖住喼落嚟讚我可愛 我好開心呀 仲扮怕醜喺度笑....

同管理員say byebye 就上車車向機場出發咯

 

今朝香港局部地區落雨 由港島到新界都有微微雨 唔知"晒菠蘿" (札榥)會唔會落雨呢?

     

去到機場停車場 哇 咁full嘅 嗲吔放低我地 之後搵左一陣先有位泊車呀 快d啦 嗲吔 我仲記得上次去東京好趕呀 今次我唔想再陪你地跑喇!!!

                 

     

好彩 泊好車 搵左一陣就去到terminal one嘅zone A.... 媽咪例牌一馬當先 我係咁大叫  " 喂! 媽咪 喂! 等埋" 點知我叫 d人一路都望住我 嘻嘻 連媽咪都擰轉頭笑我呢!

嗲吔同媽咪去到旅行團集合地點 我見到姑丈同姑媽喇! 嫲嫲同姑姐係咁叫我同佢地講早晨 我唔想叫呀 老實講 我有d驚姑丈 可能佢戴眼鏡啦...喺佢地係咁威迫下 我好唔開心 落左地下攬實姑姐隻腳 姑姐姑姐 titi真係唔想叫呀...後嚟媽咪話要影相 我先鬆一口氣咋..

     

      

寄完倉 我地同領隊交代一聲 就諗住過關食早餐咯 媽咪又搵我笨喇 成個機場都冇人戴mask 佢點都要我戴呀!!! 話買左唔戴好嘥野 話時話喇 個個都唔戴mask嘅 唔係話好驚H1N1架咩? 等媽咪仲買左paper mask同呢個cutie mask比我 不過算啦媽咪 我都唔鐘意戴嘅 後尾旅行社仲整多七大pack防疫用品比我地 哈哈 我地一d都冇用過!                    

                       北海道 我嚟喇!!!

      

                 

繼上次同海關哥哥握手後 今次過關都有笑料呀!

當我擺左麵飽超人拖喼上x-ray輸送帶 再拎住張行李認領膠咭自己行過x-ray 好多海關哥哥姐姐同我笑仲讚我可愛 當中有個海關嬸嬸係咁問我問題 " 你幾歲呀? 哇好叻喎....你去邊度旅行呀?....個喼裡面係咩嚟架?" 我全部都有答佢呀 哄得嬸嬸好開心 媽咪話覺得好搞笑 海關嬸嬸好似唔洗做咁阻住後面d人過關.....byebye喇 海關嬸嬸!

 

過左關 我地去食早餐 媽咪食左一陣就陪我去玩揸飛機 佢讚我今次玩得好叻 梗係啦 我依家識得做埋landing動作 仲有板有眼喺度press button 好好玩架 可惜玩一陣就要走喇 臨走有個姐姐入左嚟同我玩 最後仲要求同我影相 我二話不說擺pose挨住姐姐... 媽咪睇住我地喺度暗暗笑 梗係啦 佢一向都鐘意我同陌生人傾計架 所以佢揀跟旅行團 比我同多d人玩 同多d人接觸 練大個膽呀!

      

       

                 

今次冇去兒童候機室喇 一來唔太多野玩 二來嗲吔催我地去閘口 咁唯有下次先去啦 我地一行七人去坐無人駕駛到閘口準備上機lu 臨上機前媽咪都唔放過我 點都要影幾張相 唉...

                 

                

      

                 

登機喇 為左令媽咪讚我叻 我自自然然同空姐姐姐say hi 同空中少爺哥哥講早晨 今次嗲吔都讚我叻 嘻嘻 好開心!

    

呢次係我第二次坐飛機 但同嫲嫲姑姐去旅行就係第一次呀 希望"合作愉快"啦!

                   

呢程飛機都係嫲嫲抱我訓左大半程 頭半程我冇訓到呀 所以見到架飛機起飛!!!!! 我唔敢相信呀 點解我地真係飛左上去 我望住個天望到呆晒 之後笑得好開心!!! 媽咪同嗲吔望住我都覺得好滿足好開心

食完餐就覺豬咯 而佢地好似睇自選影院 依家cx嘅機靚左好多 可以有好多自選movie同音樂 隨時睇到得 唔洗限時間 真係唔錯...可惜d食物仲係好唔掂 仲有呀 佢地大意到冇比紀念品我 媽咪見同上次東京個袋一樣 就算喇 冇問佢地攞lu

同機有好多小朋友好多bb架 佢地都係有d有紀念品 有d冇呢....媽咪覺得機組人員有d大意呢!

     

    

     

      

畫畫畫 我好心機咁畫 好快就landing喇 今次我隻耳仔有d唔舒服 我見媽咪好緊張咁望住我 放心喎 titi冇事 我都冇喊到 呢次坐到五個鐘飛機 佢地都讚我叻 希望下次可以試下再坐長程d嘅飛機啦!

好快就到"晒菠蘿"嘅機場喇 呢度就算d媽媽們抱住bb都冇另一個lane排隊架 唔似得羽田機場有媽媽權可以唔洗排隊!

到左札榥 我地準備向第一個行程點出發 ~ 定山溪 喺嗰度 我第一次見到河童呀!