♡ 楽しいhokkaido-Day Two-士多啤梨園 ♡

六月二十九日

朝早二十八度 傍晚十八度

 

♡ 楽しいhokkaido-Day Two-士多啤梨園 ♡

搵完河童 我地就join返嗲吔 姑丈 姑媽同嫲嫲喇...跟住去邊度? 哈哈 就係去搵我最鐘意嘅士多啤梨呀!!!!!!

我好細個就好好好好好鐘意食士多啤梨架喇 雖然嗲吔媽咪唔食士多啤梨 但好多時嫲嫲姑姐同聰少都會買比我食架! 我嘅孻叔仲試過買一盒好貴好貴嘅士多啤梨比我做聖誔禮物呢! 次次我都食得好滋味同好開心架...

今次勇闖士多啤梨園 有得一邊摘一邊食真係好興奮呀 其實之前喺香港都有去過士多啤梨園 但日本嘅果園真係靚好多呀 佢d泥有膠包住 所以粒粒都乾淨到可以即刻食架 而且d士多啤梨仲香特別香同特別甜! 除左嗲吔媽咪之外 個個都食到捧住個肚走 抵到爛呀...

      

      

      

另外一樣野要讚嘅 就係個果園絕對冇蚊!!! 我地入場嗰陣佢地會派紙盒比我地 去擺食淨嘅士多啤梨葉 以確保果園衛生...等媽咪仲帶定驅蚊帶 一d用處都冇lu 

除左士多啤梨 佢地嘅果園仲有桃啦 橙啦 葡萄啦 蘋果啦...我地見到蘋果bb 好cute呀 唔知幾耐先至長大呢?

                   

哇! 開波喇 我一落地 四圍望都見唔到士多啤梨嘅? 眼見姑丈一邊食一邊叫 " 哇 好甜呀 哇 好多呀" 但我一粒都見唔到 鳴鳴!!! titi好唔開心呀!!!! 嗲吔媽咪仲係咁同我影video影相 都冇人理我嘅 .... 我要食呀!!!!

                     

      

後嚟 嫲嫲比左一粒我喇 我咬一啖 嘻嘻 d汁多到"咇"左出嚟 成件衫都係 比媽咪鬧dirty cat... 我都唔理咁多 繼續食...後嚟媽咪良心發現喇 教我喺葉底搵士多啤梨 哇 原來葉底有好多好多架 發達喇 我一路摘一路擺落口 食完一粒就比個"掟"媽咪  

         

                 

                 

                 

   

  

                  

                  

                  

                  

                   

                  

     

                   

     

   

                  

後尾摘摘下比媽咪笑呀 佢話我專揀d未熟嘅食 所以之後嘅士多啤梨都係佢地示意我摘邊粒lu!

     

                    

    

    

                 

                 

                 

   

限時三十分鐘 個個都食到痴痴呆呆 中晒毒咁 你話士多啤梨嘅威力有幾大呢...

   

玩完日本果園 希望媽咪下次帶我去其他果園啦! 下次最好去埋我嘅第二至愛 藍莓園 呵呵呵呵!!!