人生第一天上學記

八月二十八日

二十三個月至二十四個月閒記                    

             

 

                            阿ti返學之前 搵左伊藤生剪個靚頭

                                      返學要醒神d嘛 嘻嘻

              

              

              

               

                                            阿ti終於返學喇!!!

                                    tima一直好擔心阿ti返學架

                  因為佢唔係太識同小朋友玩 而且比人推撞少少都會喊

                             所以自從踏入八月 tima個心一直好不安...

                     

                              今日二十八號 係阿ti人生中第一次返學

                              因為好多原因 一直都冇比佢返playgroup

                    佢依家所識嘅 所學到嘅一切都係來自"自家playgroup"

               學就學到好多野 但同小朋友嘅相處 始終playgroup來得好一點

 

                                                  返學做足晒準備

                  六件花邊底衫仔 六條靚靚底褲仔 加埋之前嘅三層屁屁褲

                               另外毛巾仔呀 邊襪仔呀...都全部ready

        

                                 Tima仲請左好多日大假陪囡囡返學

                Tiba同Tima都請左四日大假 連埋星期六日 有成個星期咁上下

                                   今日第一日 就由tima陪阿ti啦

                     第一日同第二日都可以比父母陪 但之後就唔得喇

                           

                    *** 注意 睇下阿ti 其實佢唔慣咁早起 好眼訓架

                                   眼皮承托力得返五十個巴仙 ***

                             阿ti第一日返學冇喊過 表現仲嚇親人tim

                     同tima諗嘅完全相反 佢一見到小朋友就自動過去傾計

                           仲同人玩玩具 好似個大姐姐咁 真係嚇傻tima

                                     老師講咩 佢就做咩 好留心呀!

                                早晨呀 唔該呀 呢d全部都自動自覺

                           連老師叫"談諾兒" 佢都識企起身行出去攞書包

                                  仲同老師笑 會講thank you 哇 嚇呆tima

      如果佢keep到今日嘅禮貌 笑容 主動 相信去邊間K1嘅interview都冇問題!

                           講緊嘅係 如果...係如果keep到嘅話咋下 哈哈

                                    老師問邊個要小便 佢都識舉手表示"尿尿" 

                                      之後嬸嬸陪同下坐potty都成功

                     連tima之前擔心佢會因緊張引致"賴尿"呢part都可以安心lu

 

                      

       

                   

                   

        

                  

               

                去片!!! << 阿ti完全冇搵過tima 自己喺度玩 或者同小朋友傾計...>>

 

                

                        去片 !!!!   <<小小唱遊 有隻雀仔跌落水 >>

 

 

                下面張相 阿ti"咩"住嘅paper hand made bag就係今日嘅勞作

                               亦都係阿ti人生中第一件正式勞作呢!

                     

                     

                               分發書包之後 個個小朋友都"咩"實個書包

                          阿ti亦唔例外 好似好開心咁 仲係咁話 " titi有書包"

                            攞完書包 再攞埋今日嘅小小茶點 (一個鐘都有)

                     

                     

               最後 大家同學仔以一句 " 老師再見 小朋友再見"去完結今日課堂

                                  tima好開心呀 暫時阿囡都好鐘意返學

                                      tima問  : titi鐘唔鐘意返學呀?

                                      阿ti話 : 鐘意呀 有唱歌歌 有同學仔...

                      證明呢一兩個月喺咁喺佢身邊係咁講返學d野係有效嘅

                               希望正式冇人陪 阿ti都繼續鐘意返學啦

       P.s :  老實講丫 tima今日雖然陪住佢 但佢一直都冇理過我 冇搵過我架!

                      

                      

 

                               唱歌歌 玩遊戲 tima覺得呢間幼兒園好好呀

                             唔怪得咁多人揀 同埋真係令家長好安心

                        令tima對呢間學校改觀 之前總係覺得名校乜都錢

                            好似佢連鞋都要著校鞋 好似咩地方都想搵d

                                      經過今日 tima覺得物有價值

 

                       阿ti 加油呀 嚟緊嗰日有tiba陪你 mami會喺出面架

                          返完學 我地去左迪士尼 玩史迪仔好玩夏日

                          阿ti好開心呀 咁我地個annual pass買得都算抵