二十七個月至二十八個月閒記
公司special offer 海洋公園門票員工價四十蚊 再有餐券一百蚊
咁鬼平 冇可能唔去架 一於喺聖誕前玩返次 hoo
阿ti第幾次嚟海洋公園呢? 佢去到門口就好快記得呢度
係咁話去海洋公園睇雀仔 睇魚魚...
今次同行嘅有婆婆 yeee同聰少 真係好開心!
下圖阿ti嗰頂聖誕帽都係5蚊咋 (海洋公園有售)
真係大個女喇 隨時隨地叫阿ti擺pose 佢都好隨意set到姿勢
yeee同聰少去左排過山車 我地就睇佢地玩過山車
之後就坐登山纜車去睇海獅 ...
我地今次好好彩呀 撞啱有餵海獅嘅時間
一於唔執輸 仆住去買飛 阿ti仲喺度問做咩呀...
聰少拎條多春魚比阿ti餵 阿ti居然唔驚!!! 仲可以好鎮定去餵海獅
Good job! 阿ti愈嚟愈大膽 愈嚟愈唔怕醜咯
聰少喺海濤館買左枝鯊魚糖玩具比阿ti
都好得意架 哄得阿ti好開心 成日喺度玩....
見時間差唔多 我地喺海濤館附近食埋lunch
有四百蚊餐券 我地食咩都得啦
依家海洋公園有set combo餐 學晒人地日本仔賣章魚波加汽水
佢就薯條喺上面 汽水喺下面 等人可以一邊食薯條一邊飲汽水
食完lunch 我地就衝左去海洋館 阿ti去到呢度好開心
同條美人魚都可以合照幾張 哈哈
呢棚死魚牙 都唔知有幾多年歷史
難得仲咁白淨 點都過去影張相先
今日人都唔算多 好舒服 涼涼地 人又少
阿ti玩鯊魚糖again....
玩玩下仲食鬼埋tim 條鯊魚真係ka憐....
趁天未黑 我地決定去埋兒童王國影下相先
今次阿ti坐上纜車有d緊張 唔出聲 哈哈
後來架車出到去就開心返d 真係次次去都唔同變化
阿ti揀左玩火車 話唔玩木馬 佢鐘意disney嘅木馬多d呀
架小小火車行得好慢 tima同yeee差d訓著 陰公...
真係上左賊車...hehe
去到兒童王國 點可以唔去playground度玩呢?
話時話 個城堡 有d臭 海洋公園係時候檢討下喇...
我地再用餐券買popcorns食 真happy!
如果有咕咕力味就更加美滿喇
次次見到game site都去玩 玩左50蚊 中左幾隻公仔
就喺sir sir嘅時候 tima聽到一個媽媽同個仔講英文
Tommy, 唔可以run架! Slow d 喂 no run呀 ..... ~_~
hey, hold 啦 (tima估佢扶住扶手) yes喇 yes喇.... 8.8
Tima聽到標冷汗 好似同工人姐姐講英文咁
如果嗰個媽媽覺得咁樣教個仔英文 可以教得好 咁就繼續啦
廣東話發音咁難 都唔比佢學先 第日連母語都講得唔會好呢
下次坐呢個mini摩天輪 一定要對面有人坐...如果唔係 好飄呀
差d嘔呀 個叔叔仲要我地用安帶呢 郁都唔郁得
離開兒童王國 我地向熊貓館進發
阿ti好想見熊貓呢 係咁喃嘸我地 : 熊貓 熊貓...媽媽 可唔可以睇熊貓呀?
熊貓呀 熊貓 點解你咁爽架 食到咁肥都唔洗減肥...
撘新嘅海底號返去玩機動遊戲 都幾好喎 唔洗一定撘纜車
阿ti喺度預祝 大家有個開心聖誔!
沒有留言:
張貼留言