媽馬教室 (阿ti也會上網)

一月二日

二十八個月至二十九個月閒記

 

  幼兒園比左個網址家長 上面有好多比小朋友玩嘅遊戲

仲有得唱兒歌呀 學中英文 玩配對 總之咩都有得玩

   啱晒兩歲小朋友去學習 tima都好鐘意

  擺低左條link比爺爺嫲嫲 喺佢地英明帶領下 阿ti兩歲人仔會上網喇

   咩叫識上網呢?

   佢識click右上角 "x" box去close個page

佢識用cursor去按button 例如 "上一頁" 例如揀d icon

 最抵死係 有一次tima行過去 見阿ti用mouse玩電腦

   於是行埋去問 : titi 你睇緊咩呀?

    阿ti抬頭答tima : 我睇緊獅子 (youtube) 依家"load"緊

   tima真係大笑左出嚟 : load緊 你知咩叫load咩???????

    阿ti指一指條綠色bar : 呢度未開晒 冇得睇喎

       嗰一刻 tima知道阿ti真係識上網喇!

 

爺爺每日都同阿ti玩一個鐘電腦 透過電腦真係學多左野 叻女左

  長期玩電腦會傷害眼睛 但幸好阿ti唔鐘意電視

    我地盡量要阿ti眼仔唔會住個screen望咁耐 唔好太集中呢!

    同埋盡量問佢問題 等佢望下我地

   tima偷拍左阿ti玩電腦上網嘅情況 嘻嘻 冇花冇假啊! 笑c人

    

    裡面d配對同遊戲都差唔多玩完 兒歌都唱晒lu

      tima係時候再發掘d新野滿足阿囡咯 ...