復活節"即興"玩濕地

四月六日　　　　　　　　　　　　　　　　　　　　　　　　　　　　

三十一個月至三十二個月閒記

 

一早就比阿ti吵醒 唉 放假嘛 就訓耐d 唔好九點就起身...

雖然早起 但都冇早d落樓食早餐 嘻嘻...一個字 : 懶

於是我地 "即興" 買左個飽比阿ti自己慢慢上車嘆

平時食開通粉嘅佢 不其然流露出唔太happy...

阿ti一早起身就係咁"蛇"架喇 露出一對白滑美腿 heheee...

yeee同婆婆上左車 見到tima影相 即刻出晒d醜態 以示不滿...

唔記得邊個 "即興" 話去屯門 tiba就直駛入屯門咯 去到市中心 見到d波波比人扭到好靚呀

件件展品都好特別 好有心思 讚!

兩個傻婆又嚟喇 原來後面嘅作品叫"東方之珠" 哇 真係睇你唔出!

唔熟屯門 行過見到間日本野 就 "即興"入左去...

午餐食烏冬 TIMA呢份好睇都好食 價錢OK 上openrice睇下啦 !

之後 又唔知邊個話去濕地公園

我地就係咁 "即興" 去左濕地公園喇....Heheheheee

門票三十 多謝聰少!

以下相片唔會見到tiba 佢一直冇落過車 一來要泊車等位 二來佢喺車打機 三來佢話去過好多次好悶 四來佢驚有蚊....總之 唔好搞佢咯

反而yeee係今次即興濕地嘅主角 佢話好開心好想去呀!!! 咁就去咯 老姐實陪你!

初初都仲好開心 行行下好焗 有蚊 大家心情都麻麻...

阿ti仲黑晒臉咁 你睇佢...阻住晒後面d人呀!!!!

兩歲人仔學人黑臉 幾時黑到大呀 真係差d想炳佢!

直至....

展覽館有冷氣 冇蚊蚊 阿ti先活躍起嚟 自己要求同呢樣同嗰樣合照...

"r"晒頭 麥家嘅人同濕地有咩關係呢?

唔理喇 難得阿ti笑 我地應佢要求幫佢影相啦...

最後 本來plan好嘅晚餐告吹 我地 "即興" 喺yeee度開餐 食外賣飯盒 鳴鳴 好可憐呀!

阿ti就好開心咁等d飯盒嚟 話要食晒d雞雞喎...

乜去完濕地就咁憎d雞雞呀?

佢攬住隻兔仔話自己讀小兔班喎....仲yeah晒手咁要求我影佢...aiya

阿ti愈嚟愈鐘意整古做怪 正一pose王....

呢張對手唔知想點呀 哈哈哈

是日即興完畢....