快乐游长隆 ಇ 长隆大马戏

五月八日

三十三個月至三十四個月閒記

 

                        母亲节快乐游长隆

                                 ಇ

                         長隆大馬戲

 

行晒成個動物園 我地都攰到屎下屎下

特別係聰少呀 由頭抱到我落尾 真係辛苦晒喇!!! 爸爸話會好好報答你架!

好攰好攰嘅情況下 我地都頂唔順返房沖下身 休息下先

休息完之後 我地就行去睇大馬戲喇!

 

 

大馬戲嘅會場好多人 大家都好期待睇呢場show呢!

我地一入到場館 就感受到氣氛好濃厚 仲有小丑表演tim 

 

 

媽咪同yeee安頓好我地之後 就出去買左幾隻雞脾返嚟

我自己食得晒一隻呀 !

 

 

場內冇冷氣 於是大家都必買扇嚟撥涼 真係識做生意喇!

好喇 有打鼓聲 應該開始喇...

 

 

我咁大個女都係第一次睇馬戲咋

初初我覺得好好睇呀 仲好投入跟住小丑唱歌同拍手...

 

 

 

 

 

 

 

 

 

但係之後我好驚呀!

因為台邊有火 所以我好驚 yeee同媽咪輪流抱實我 我都係好驚

但我冇出過聲叫走呀 媽咪讚我有e.q 忍到唔扭計

前面有d bb一早就喊叫走 我淨係合埋眼唔睇....

一直睇到九點 媽咪決定提早走 我一出到門口就笑返晒!

終於睇完馬戲 原來 我一d都唔鐘意架 下次咪搞我..

佢地就話好好好好睇 好好好好精彩喎...