五月八日
三十三個月至三十四個月閒記
母亲节快乐游长隆@新長隆酒店
雖然酒店張床好大 仲好舒服 但媽咪訓唔著...
因為我成晚扭嚟扭去 哈哈 真係唔好意思喇
結果大家去到六點就起左身...換好衫 就落樓食早餐 同埋參觀下酒店...
早餐係自助形式 有好多款食物比你揀 味道都唔錯啫
唯一美中不足係...又喺彩蝶谷食 oh my god....
居然有小小粽食 哈哈 好得意呀!
婆婆 真係唔好意思 呢張相影得你唔靚 比個qq豬你啦!
食完早餐 我地出左花園行一陣 好多地方都好靚好新淨呀
但影左一陣就覺得熱熱地...好彩唔係六七月嚟...
影完室外 就入返去室內 見到有隻大panda...
panda小姐 你食左早餐未呀?
我地仲由新翼行左去舊翼 嗰度d設計同擺設都好靚 唔好輸蝕過新翼啫...
喺舊翼 大家可以一邊食野一邊睇白老虎架
雖然新翼都有間bar可以睇老虎 但唔夠舊翼集中 一定睇到d虎虎...
喺新舊酒店行左一個圈 我地決定返房玩一陣
玩左音樂椅啦 (爭櫈仔) 捉迷藏啦 仲有百力滋比賽...
哈哈哈 係唔係好無聊呢?
之後 媽咪比我試下跳床 (我未試過架) 初初我跳得唔啱 用腳落床 之後試多幾次 就識用patpat落床喇
哈哈 初初我覺得好好玩 但之後就唔鐘意喇 可能我一向都唔鐘意跳嚟跳去...
媽媽嚴重警告我要有大人喺度先可以玩跳床床 我知道架喇 如果冇大人陪會跌親嘛... 要坐bebu車嘛...
玩到一點 我地決定提早交房喇
臨走嗰陣 我同媽咪講唔捨得間房房呀...梗係啦 間房又大仲可以連房 兩間房任我走任我玩...我唔捨得呀
CHECK OUT喇...
我地寄存d行李 就搵車坐喇
去邊?
我地上左架酒店車 盛惠六十人仔...都好舒服
個司機仲幫我地買門票 有15% off呢
各位我地最後一站 : 鱷魚公園
沒有留言:
張貼留言