八月二十八日
三十五個月至三十六個月
多謝大家嚟到我嘅三歲公主生日會!
話明公主生日會 我梗係要扮返個靚靚公主啦
呢套白雪公主衫一早買左架喇 本來諗住去美國著
可惜去唔成 唔緊要 依家可以喺生日會著 一樣咁開心啫!
呢個生日會係用公主做主題 媽咪用一個星期就搞掂晒d野喇
本來媽咪唔諗住搞生日會架 但後尾見我好想要個生日會
就用一個星期時間搞好晒所有野 我好開心呀!
多謝媽咪 多謝各位嚟我嘅生日會!!!
錫晒你地!
條banner用左兩日時間完成 媽咪好滿意!
生日會場地有埋個私人廚房 啱晒開party煮野食
我三歲生日喎 媽咪請左四個公主嚟同我慶祝
四個公主都帶嚟美好嘅祝福
健康 美麗 智慧 財富 (哈哈哈哈)
公主杯啦 碟啦 仲有檯布 啱晒中左公主毒嘅我
開餐喇 大家都又傾又食 好開心嘅兩個幾鐘
玩野咩 清酒青口 同醉雞翼都係我唔食得嘅 哈哈
生日會嘅靈魂所在 : 旦糕
好耐好耐以前 媽咪就睇中左呢個"3"字
佢話過 我三歲就要買呢個旦糕 哈哈 仲有三個公主附送tim!
見到個旦糕 我好開心呀! 嘻嘻 仲合埋手 望住媽咪....
三歲意義重大 我大個女喇! 返K1 唔再係bb喇...
我最鐘意嘅公主呀! 我係你地嘅小小fans
大家讚完個旦糕 係時候要唱我嘅主題歌...生日歌
今年係我第三次聽到大家為我唱生日歌
我好感動呀 眼濕濕 唔識笑....
後面d禮物同利是都係我架 大部份都係公主
最鐘意公公送嘅chips & dale公仔同八達通錶
姑姐叔叔送嘅公主屋都係我至愛 仲有姑媽同yeee嗲嗲嘅利是
旦糕係四大長老送嘅 我真係好鐘意!
我要同你地逐一合照 大個睇返一定好開心啫
同公主合照要排隊啊 好彩你地都好聽話
多謝yeee親手調製嘅雞尾酒 好好味呀!
我飲左一少啖 醉醉地...
cheers everybody!
飽飽就開始玩喇 聰少借左d玩具返嚟
之後 我地開始玩波波 ...大家都癲晒
哈哈 爸爸頂完波 我地嚟料喇 睇下我地幾傻豬
好啦 到左尾聲 我拆禮物咯
yeah yeah yeah! 全部都係我鐘意嘅
好靚嘅場地佈置 好好味嘅野食
好多禮物 好多利是 仲有好多波波 生日會真係好好玩呀!
三歲生日會順利完滿完成 多謝大家賞面!
再次多謝各位嘅祝福 各位嘅心意 I love u all so much!
嘩！好開心既生日會呀！
回覆刪除祝ti & ti媽身體健康！！開開心心！
[版主回覆09/04/2010 10:52:00]係呀 多謝你 ^^ 下次有小朋友生日會請埋晴晴得唔得呀?
媽咪幫Titi搞咗個咁靚既公主生日會，Titi小公主一定好難忘。
回覆刪除Titi：生日快樂！身體健康！學業進步！
[版主回覆09/05/2010 13:21:00]佢今次真係好難忘呀 仲係咁話自己係靚公主 ~_~ 係白雪 snow white
但見佢咁開心 大家咁開心 都覺得好值得呢
thanks! 晴晴媽 喺我心目中你係一個靚靚幸福心地好又大方嘅媽媽 每次見你由衷讚小朋友 覺得你好大方呀 嚟緊我都要著緊d阿ti嘅學校方面 見晴晴攞咁多prize 真係好叻女呀 你可以做到唔比壓力佢之餘有咁好成績 要好好答你學習
haha....古惑樣公主, 祝妳一生健康、快樂
回覆刪除[版主回覆09/05/2010 19:16:00]鐘意妳呢句 一生健康 thanks!
係喎，等我都買隻八達通錶比個女先！哈哈！ titi再一次同你講生日快樂，快高長大，身體健康！tima祝你一年靚過一年，賺錢一年多過一年呀！hehe！
回覆刪除[版主回覆09/06/2010 19:03:00]阿ti買左隻公主八達通錶呀 喺mtr度有得賣呢
我諗住比佢返學戴tim呀 得唔得呢?
thanks!
生日快樂呀。titi公主。 你好靚呀！姨姨好鐘意你。 祝你日日開心，身體健康，快高長大，精靈活潑又可愛，人見人愛，車見車載。 想請教下tima，點可以用咁少時間搞生日會？勁！ 一言驚醒，我都要買番隻八達通手錶給十五。
回覆刪除[版主回覆09/07/2010 20:47:00]阿公話要買八達通錶比個孫 買左隻公主 但襯唔到d型衫 有好有唔好
thanks 多謝你鐘意佢呀
真架 個生日會一個星期內完成 連埋book場地呢
Time Files?!?! TiTi咁快就三歲啦~ TiTi公主look好靚呀~~~~
回覆刪除祝TiTi永遠健康快樂成長
[版主回覆09/08/2010 21:47:00]thanks! 係呀 好快呢