愛台灣 ☀ BAPE, 西門町, 通化街夜市

 

愛台灣 ☀ BAPE, 西門町, 通化街夜市

2010‧09‧26

離開永康街 婆婆就去左姑婆診所(新店市) 整牙喇 婆婆有隻牙冇左 要整活動假牙 洗牙補牙整埋活動假牙 婆婆慳返唔少呀 哈哈

而我地就去台灣最大嘅bape行下先 本來一心諗住買一兩件特別版返香港 點知巧貴呀 仲貴過香港好多 哈哈 慳返走人...

睇下tiba充滿希望個樣 以為會執到筍野

失望離開 我地諗住去買布朗雞旦布甸 可惜mission fail again 可能因為星期日嘅關係 賣光光喇 鳴鳴鳴鳴 再一次失望離開....

我地搭捷運返西門町閒逛下先 星期日嘅西門町好熱鬧啊

我地喺mister donut買左bear bear donut 我淨係食左一啖就唔要喇 比媽咪鬧...

食物 : Bear Bear donut

星級 : ★★ (5粒★為滿分)

評語: 有唔溶嘅cream 最唔鐘意啊...

 

行左一陣就到老天祿喇 哇 都有人排隊喎...

買完老天祿就返酒店等公公婆婆同姑婆喇 冇咩野做 唯有嘆住老天祿等佢地啦

食物 : 老天祿雞腎

星級 : ★★★★★ (5粒★為滿分)

評語: 爽 入味

食物 : 老天祿鴨舌

星級 : ★★★★ (5粒★為滿分)

評語: 冇咁好食lu 但都ok

 

食物 :  老天祿雞翼

星級 : ★★★★★ (5粒★為滿分)

評語: 阿ti一日食兩隻就知正啦 如果有十分一定比十分

 

好野 佢地返嚟喇 我地坐計程車去臨江街逛一逛通化街夜市先...

 

喺入口已經見到咁大枝棉花糖 哇 有唔同顏色 好cute呀 媽咪買左枝比我 點知...食到個口都係顏色 D色素厲害呢!

食物 : 棉花糖

星級 : ★ (5粒★為滿分)

評語: 甩色...把鬼

 

之後再食呢d 嗰d野...咭咭 掃街去 真開心!

食物 : 椒鹽炒雜菇

星級 : ★★★★★ (5粒★為滿分)

評語: 惹味, 香脆 鐘意食菇嘅一定勁冧

 

 

去到一條冷巷 姑婆帶我地食米粉湯 原來一碗粉之外可以再加小食架 而d小食碟碟都有名堂 碟碟都好精彩呢!

食物 : 米粉湯

星級 : ★★★★ (5粒★為滿分)

評語: 好似"狗仔粉" d湯好好味 略嫌粉太碎

 

食物 : 豬爽肉, 生菜, 豬腸, 豬xx (唔記得個名tim)

星級 : ★★★★★ (5粒★為滿分)

評語: 哈哈 好地道嘅小菜 用嚟送米粉湯嘅 每碟都好惹味 全部都係爽口嘅 但計我話 用嚟送潮州粥仲正

 

飽飽之後 我地去左對面買左杯一家三口都好滿意嘅汁汁 檸檬汁 好好好酸呀 正!

食物 : 鮮榨檸檬汁

星級 : ★★★★★ (5粒★為滿分)

評語: 好酸呀 夠晒醒胃 佢係用青檸去榨汁

           酸到暈 好好味

 

通化街夜市有賣衫嘅 有賣精品嘅 仲有得挾公仔 有個哥哥見我挾 出嚟幫我set靚靚 比晒機會我挾呀 佢真係好好人呀! 行到呢度 都十點幾喇 大家都好攰 話晒都搭晒好耐車嘛 係時候返去浸按摩浴池喇! 聽日動物園見 bye!