2010‧10‧16
SUNNY DAY
R U ready?
阿ti今年扮多次中國鬼鬼 會一會迪士尼嘅黑巫婆呀
tima準備好face painting color
一於同阿ti玩足一日
thanks yeee幫阿ti化左個好靚嘅中國鬼鬼妝
好多人見到都話可愛呀
邊個話阿ti瘦
睇下佢個肚腩仔 嚇親人呀!
可能佢d手手腳腳長 所以覺得佢瘦左
一路上都見到halloween嘅裝飾喇
靚唔靚就見仁見智啦
三歲大嘅阿ti 今次要買A.P咯
買緊門票都喺度整古做怪
哇 終於見唔到阿Jack咯
大門口都變左係黑巫婆嘅公仔 好靚呀!
望一望 今日都幾多人喎
人人有份嘅黑巫婆game card
本來A.P有禮物架 可惜時限過左換晒咯
今日諗住玩一日 所以都係租定架車車穩陣
話時話 都係第一次喺HK Disneyland租車
東京嗰次Disney就有租
所以今次都有收起張name card留念
多謝yeee送個咁靚嘅pop corns筒比阿ti
真係好靚 仲有閃燈架!
噢 好大條龍呀!
呢條龍對眼喺夜晚原來會發光架!
經過商店見到好多得意嘅公仔
yeee忍唔到手買左個jack jack不求人
halloween嚟到disney梗係同公仔影相先啦
有goofy mickey同minnie呀
Winnie好懶 冇dress up到
tima叫阿ti扮鬼
佢就咁...
扮扮下鬼 我地見到minnie...
哈哈 日本MINNIE呀 佢同佢朋友仔都著得好有氣氛
我地話MINNIE小姐套衫應該好貴呢
睇下佢對鞋 (上圖) 好有心思呀!
好多哥哥姐姐都周圍分派糖果
係棉花糖嚟架 YUMMY!
跟住婆婆睇住我
佢地四個去左玩好驚驚嘅Halloween版space mountain
佢地話係真係好玩dd喎
好肚餓喇
同上年一樣 我地去左小鎮大街度食halloween大餐
有好多唔同款嘅halloween美食呢!
阿ti今次自己叫左個兒童餐食
食完再行一陣就巡遊喇
我地睇左一陣 趁冇人就去排mickey minne 冇人同我地爭 咭咭
Mickey同Minnie嚟喇!
今年你地套衫好靚靚喎
阿ti最愛阿chip同阿dale呀!!!
你地今年都著得好靚 仲記得上年你地嚇到阿ti喊晒
影完chip同dale 就換左套衫喇
著返便服 舒舒服服玩埋晏畫
同donald & daisy影完相
阿ti開始想訓
我地亦都決定去玩鬼屋
辛苦婆婆睇住阿ti一陣
去鬼屋途中見到阿jack喎 halo!
第一間鬼屋
唔係太驚啫 可能我地嗰隊有個好勁嘅爸爸
有佢喺前面開路好放心
d鬼同佈置精緻過ocean park
第二間鬼屋
哈哈 笑死人 我地因為前面d人跑 所以嚇到都係咁跑
好似都冇咩睇過咁
下午茶時間
冇晒最cute嗰幾款cake 唯有下次嚟再買啦
得返蝙蝠咋
再行下全部嘅shop
好多阿jack嘅野
食完晚飯 我地玩木馬
阿ti好開心咁話 : 我係公主嚟架...
重頭戲 阿jack晚上巡遊
有黑巫婆同其他公仔出場
行到去森林探險嗰邊
好多工作人員用水畫阿jack出嚟
我地仲見到好多鬼鬼出嚟嚇人呀!
還掂都九點咯 唔爭在睇埋個煙花啦
呢日大家都攰 但未算好攰 可能阿ti唔洗抱卦
個煙花加埋音樂唔錯 好有halloween氣氛
玩到呢度 大家都夠晒皮喇
見到d後生仔女依家先開始
tima覺得自己唔係後生嗰班喇
九點鐘係我地返屋企嘅時間呢! 嘻嘻...
沒有留言:
張貼留言