聖心幼稚園幼兒班旅行

2010‧11‧22

SHCK NCB Picnic

 

今日阿ti學校旅行呀

我地一早起身向灣仔金紫荊進發

未去到都見到好多小朋友喇

今日係K1同K2嘅同學一齊搞嘅旅行

所以都見到好多班 好多人呢

 

阿ti同至愛同學仔Tina

 

今日去嘅地方 西貢北潭涌渡假日營

 

哈哈 大家都好怕醜

一見到同學仔 都淨係喺媽媽耳邊講同學仔個名

搞左一陣先肯過去同同學仔傾下計

 

e 未上車就攬實晒

 

上車喇 阿ti好期待呢次旅行架

個袋啦 頭飾都係佢指定嘅呢

 

車程一個鐘唔洗

架車一路開 老師一路同佢地唱歌

氣氛好好呀 同學仔都大大聲咁唱 good!

 

到喇 到喇!

 

先嚟一張班相

其實淨係同學影咪得咯 d家長都企唔晒

 

影完班相就自由活動

今日我地痴住Tina一家去玩 嘻嘻

 

突然 見到sister kwok呀!!!

兩個阿媽即刻推個女去影相 ~_~''

巧現實啊

呢個郭修女就係每年好多人等佢放學親手交信比佢啦

好多人寫信比佢嘅郭修女

佢係家長們嘅偶像....

(冇誇張架)

嘻嘻 影一張唔夠 再加埋自己先

 

再見sister之後

見到第一個booth 就係跳舞同唱歌

親子唱遊

阿ti唔係同媽媽唱遊 居然走左去同人地d媽媽唱遊

~_~"

 

呵呵 原來紅樹林區係得呢個牌

等我地好期待好似米埔咁嘅tim

 

拿 圍住比你睇呀 紅樹林呀!!!! 見到未?

 

大家都覺得無野睇

都係搵單車玩好過咯

聖心孖T拖住手去排單車

 

今日係一個好日子

阿ti玩左好多野

單車由完全唔識 到依家識踩喇

(之前教教下冇教到 所以到依家先玩返)

 

玩完單車 見到老師安排彩虹傘

佢地又玩下

 

攀石又玩下咁啦

佢地人仔細細 都攀到第二塊石度喎

 

攀完石 我地心思思出左去花園 睇下有咩玩

點知比我地發現左呢個轉轉

於是擺阿ti上左去

點知 佢唔笑冇反應

得tima自己傻笑 懶high咁 hehe

 

見到呢d 又"琴"下咯

阿ti又好大膽喎 係咁上 係咁上

 

下面嗰個轉轉轉好勁架

一訓左落去就可以狂轉 睇下佢暈暈地喇

 

返返去室內運動場 哇 佢地仲打緊兵bump波

 我地又嚟打下咯 hehe

 

哇 幾有姿勢

未打都知win硬啦 可惜對面都冇人同你打....

打完波就有野食

我地之前訂嘅lunch set 裡面有雞膇呀 粟米呀

仲有一包好耐冇飲過嘅碧泉檸檬茶

 

阿ti : 哇 脾呀!!!!

 

食完脾再搵野食

比佢搵到份三文治 再食過

 

食食下 e 有個老師過嚟特登搵阿ti

阿ti好開心叫 : 劉老師!

 

食完三文治再嚟多個蘋果

好野 阿囡 你好野!

 

食完野

孖T去跳彈床 

我跳 我跳

 

Tina爸爸買左bubbles呀

我地玩左一陣

呢種bubbles都幾好吹喎

 

行行下 見到有得玩roller

唔洗錢 就試下啦

嘻嘻 可能之前玩過一溜冰

衰豬玩得幾好喎

 

玩完roller 搵返Tina

喺度都可以玩一餐 好開心

 

去埋老師準備嘅遊戲室

有釣魚樂

 

見到班主任黎老師特別開心!

釣夠十條可以去修女度攞獎品

 

玩完釣魚 我地上樓上玩其他games

攞左d貼紙

之後 我地做親子mask

tiba要畫叮噹

 

就夠鐘喇

我地搵到個好靚嘅地方

個池塘有好多小魚 好可愛呀

 

哇 原來有繩網玩

仲係啱阿ti玩

難得阿ti肯去玩 tima見到都有d驚

得一條條棍

哎呀 小心呀...

玩到呢度

我地要上車喇 返到中環

今次學校旅行超順利完成

yeah!