飲茶

Oct 2011


公公婆婆真係好錫阿ti

前晚阿ti一句 好想飲茶

公公婆婆第二朝即刻過海搵阿孫飲茶

令tiba tima都好唔好意思 好似要兩個老人家喺新界過嚟港島咁

依家後生飲茶唔興睇報紙 唔興傾計架喇

興玩艾pat 玩艾瘋

篤篤篤  食件燒賣 篤篤篤 食件旦撻仔

根本連件食物都未望得清楚 就擺落口

飲茶再唔係一家人傾計聚腳嘅活動 因為大家都各自修行

比阿ti玩ipad嘅原因係 佢真係用嚟學野架

串字啦 phonics啦 咩都自發性去學

玩到悶悶地就同天花板d玻璃傾計....

~_~" 小姐呀小姐 公公婆婆咁遠嚟 點解你唔蘇so下兩句呀?

好少同公公婆婆飲茶 所以今次特別記低 日後好好回味tima有個咁錫自己嘅爸爸媽媽

而阿ti有咁錫佢嘅公公婆婆

話晒一早過海飲餐茶 真係唔容易啊!