15 April 2014
離開水族館 已經黑一半天喇
TIBA堅持去食Agu豬
仲要去百年老店度食
好啦好啦
向住Agu豬出發
呢間百年老店個名叫" 大家"
只此一家
夜晚去呢間老店真係心血少d都死呀
完全冇街燈 好似喺懸崖邊揸車咁
好彩有驚冇險 到喇
呢間老店除左食豬出名 係一間百年老店外
仲出晒名環境靚
係真架 一落車已經成幅畫掛喺前面
好靚好靚
周圍都好靚 好有沖繩feel
沿路行入去
聽得最多嘅係 ... 廣東話 @___@"
我地要行經呢個日本庭園去攞位
好緊張呀
因為呢間老店最靚係坐流水位
所以朝早嚟一定要早少少
如果唔係坐流水位真係爭d架
到喇 未睇食咩之前快d攞位
好full啊
唔好話流水位
咩位都冇
結果
我地等左45分鐘
好想放棄
但一諗到之後冇時間嚟 唉 一於等
唯有周圍參觀下啦
點知一參觀 唔捨得走
哇 周圍都好靚呀
朝早靚 夜晚都好靚
佢地打燈位做得好好
每個地方都好似幅畫咁
有好多人走喇
梗係啦 就嚟九點lu
我地一入去
有流水位喇！！！
呢個就係流水位
即係對住一幅會郁嘅流水畫食飯
除左我地得返幾檯食飯咋
wow~ 果然百年老店
好舒服好乾淨
本來以為咁多花花草草點都會有蚊呀有蟲呀
完全冇呀~~~
我地點左兩份Agu豬餐
好似一萬yen一份
Shabu Shabu
前菜又有水雲
好難食
湯底好香
主角嚟喇！ 只限沖繩嘅Agu豬
佢嘅真身唔多討好
但當你食一啖
oh 中槍了 ~
是晚由男人主理
女人負責打機同傾計
有美食一家人開開心心嘅一餐
好滿足
Tiba細心點埋甜品
右邊個波波必吃的啊
感謝Tiba帶我地食Agu豬
真係好好味
而間老店都令我地大開眼界
細小嘅地方見到老店對環境同食嘅執著
最重要食物質素同衛生
我地比爆分
難怪十個自遊行九個都嚟
我地見到有一個香港旅行團嚟呢度
但就冇坐流水位
下次嚟沖繩 一定會再返嚟
沒有留言:
張貼留言