十月六日 天晴
十三個月至十四個月閒記
話明赤柱逍遙游 梗係有"游"呢個環節啦
mami同爸爸特登請假陪titi去報幼兒園呀
一早起身 見好好天 一於報完名去游水
難得平日冇咁多人游嘛 加上可以同titi嫲嫲去玩下
去邊度可以有水游仲有得行下呢
赤柱是也 仲可以睇下有冇冬天衫買比titi先
準備好晒報名嘅野 mami睇晒所有嘅天書呀 上網做晒功課
都決定報呢間 titi最後入唔入到就睇佢喇
呢間係天主教學校嚟架 嗰陣mami都係讀天主教女校呢
終於去到學校喇 真係好大咁喎 d校服都幾靚 唔錯唔錯
mami扮晒野咁睇下校舍 (其實唔洗睇都好想titi入啦)
行行下 titi嫲嫲居然喺嗰度識人!!! 咁都唔洗打校長友情牌啦 野~~~
mami見好多小朋友都玩得好開心 都唔似上網所講好嚴啫
交左fees 對晒資料 mami拎起張接見咭 哇 下年三月先做interview???
唔係今年in架咩??? 名校真係串d 如果下年先話唔收 咁點算呀???
睇嚟mami真係要做多一手準備 唉 再頭痕過喇.....
去赤柱之前 我地都心癢癢想食安利 好耐冇食過呢
我地早去到唔洗等位 yeah我嘅坑腩片頭撈米 超好味呀
安利嘅麵真係最好食嘅 嚟開港島東嘅朋友一定要試啊!!!
去到赤柱沙灘 陽光好靚
但一d都唔曬 超冧嘅爽爽天氣
titi同我急不及待換上泳衣 yeah titi真係好鐘意游水呀
一落水就high到痺 狂笑 大叫 搞到我同ti爸都累c咯
游游下 發覺都冇人游水 反而有d唔慣 哈哈 都係游一陣就走lu
今次赤柱游應該係今年最後一次到沙灘lu 希望仲可以去多次游池啦
計落都同titi去左六次沙灘啦 下年肯定去得仲多次數....
喺市集度 好多遊客呀 搞到mami心情好relax 好似渡假咁
後尾睇一陣bb衫 (赤柱嘅bb衫素差左呀 好失望)
行左一陣海傍 影下相就走咯
臨走嗰陣 titi跌親 仲以為佢好痛 點知喊一陣就冇事
臨走 秋風吹過嚟 好舒服 嫲嫲抱住titi
ti爸拖住我 心想 偶然放下假都好舒服 好開心呢
呢排工作令我麻木 令我失望 令我看透很多
曾經有排唔開心 突然想通啦 返工求財啫
唔洗咁執著 我要搵返以前enjoy工作嘅自己
十二月快d過喇 mami好有衝勁呢
ti爸 我撐你 你撐我 加油加油!!!
(好彩mami冇客買mini bonds 如果唔係更加sad...)
沒有留言:
張貼留言