食完和牛轉戰赤柱

一月四日  凍凍咯

十六個月至十七個月閒記

                                       萬歲 titi姑姐萬歲!!!

                        姑姐心情靚靚 請我地食高級鐵板燒

                        銅鑼灣嘅伊波呂 最出名都算係牛咯

    

          於是我地點左三碟唔同嘅牛 其中一碟係勁好食嘅和牛呀

  

                    一去到燒肉店 好香呀 個個都好努力咁燒

                    我地除左燒牛之外 仲有order刺身丼 冧爆

   

   

    

                        環境 食物 服務 所有野都一百分 一定會再嚟

                       呢次係食lunch 平d (但都貴...) 如果晚餐就好貴喇

                  

                      

           食飽飽 tima就提議去赤柱 一來行下 二來去睇下有冇靚衫

    去到赤柱 我地知有一個好好嘅地方泊車 同樣係街錶 但唔洗等

                     見d人好辛苦咁等街錶 我地已經泊好車喇 

                             而個地方都係好近市集架 嘻嘻

               

              

               

              

             

              

             

            

 

              今次赤柱好少靚衫 但多左好多A貨 仲要好差嘅A貨呢

                 例如 gap嘅字都歪歪斜斜  馬仔個logo都唔似樣...

                  burberry仲衰 d格仔pattern一睇就知超級A貨呀

                       難怪sogo一減價d媽媽都去搶公司貨啦...

                              最後買左件毛毛長褸就走左lu...

                     一邊行去碼頭 一邊吮住果汁 titi都嚷住要

                         影下相 嘻嘻哈哈又過半日 非常好...

  

  

            

                          晚餐奶奶煲白果豬肚湯 五餸一湯

                            家庭式晚餐 仍然是我地響往的