一月八日 高興的日子
十六個月至十七個月閒記
tiba tima嘅結婚週年紀念 (絲婚)
返屋企接埋titi 落左太古城食飯
沒有鮮花 沒有水晶花花 沒有禮物 也沒有咭
很簡單嘅一餐飯 本來想二人世界 但最後放棄左
始終有埋衰豬喺度開心d 特別依家識講多左野
titi快兩歲喇 mama仲有數磅未減 難得tiba仲話唔緊要
未結婚九十幾磅 陀住titi最重百六磅 依家百一磅...
baba 唔通你唔想要返以前好fit嘅老婆咩?
你多次話我淨係掛住titi 淨係掛住打blog...
無可否認 titi大個左 時間唔夠用喇
以前一日一blog 之後兩至三日一blog 到依家根本冇時間...
tima任性完了...工作上 體型上 生活上都要進取
我一向係進取型啊 點解依家變得咁懶?
瘋狂買衫比titi 瘋狂打blog嘅日子係時候完了...
一月十日 清閒的一天
十六個月至十七個月
titi嘅頭髮又長喇 tiba好緊張話要剪
睇返大尾篤d相 tima暗笑 真係好長啊
今次近新年 我地決定同titi去salon一次
之前衰豬個頭都係tiba剪理 都剪左有三四次
我地最後決定去一間由日本人開嘅salon剪
呢間野喺日本都有分店 好多名呢
間日本salon好大好靚 d師父多數係日本人 而客人都係日本人多架
<< 等緊伊滕生嘅titi - 理髮前 >>
隆重介紹titi嘅師父 ~ 伊藤伸浩先生
會操半咸淡嘅廣東話嘅日本型男 好好笑架
tima話幫titi圈耳 佢就話 : no..唔好唔好 會好"薯"架
話幫佢"偷"薄d頭髮咩 佢就話titi髮質唔合適
titi一叫以示不滿 佢就即刻狂sorry 好好笑
整個過程唔洗十分鐘 初初tima好質疑有冇剪到
後尾出嚟一睇...成個樣出晒嚟喇
對眼都大左咁呀 真係剪得好好!!!
下次一定要再搵伊藤生剪!!!
Tima好想影低衰豬剪髮實錄 可惜 顧得呢樣顧唔到部機
所以d相質素好差 嘻嘻 震得嚟但都有feel嘅...
講開又講 當titi喺度扭計唔剪嗰陣 側邊好多日本靚師奶望住
係咁同titi笑 仲叫佢奸爸爹 見titi剪完 居然企起身拍手鼓勵
哇 搞到tima真係好唔好意思呀 ....
<< 理髮後嘅titi 成功踏進salon之第一次>>
沒有留言:
張貼留言