三月十日 涼爽的下午
十八個月至十九個月閒記
又要去健康院喇 去埋今次四歲先再去
Tima今日攞左半日大假陪阿ti去呢
去到健康院 見到好多bb呀 個個都好細個...
諗起年半前雞手鴨腳抱titi去做checking 依家咁大咯
第一件事磅重 姑娘話阿ti嘅高度同重量都係中碼偏大碼b
Tima覺得奇怪中就中大就大啦 中碼偏大即係點呢?
10.5KG算唔算重呢?
第二件事就係見姑娘喇 姑娘比左個娃娃同一把梳titi
要求titi幫公仔梳頭 titi二話不說就幫公仔梳 仲幫埋tima梳
之後就test積木 titi成功疊到六塊 pass!!!
再者就test講野 姑娘讚titi說話能力好好呀
見到佢識講唔該奶奶 唔該抱抱 ... 就鼓勵我地要求佢講四個字
姑娘仲叫我地比佢諗自己要講咩 唔好比咁多口水尾佢跟
例如問佢想食奶奶要講咩呀? 要佢自己諗答案講出嚟
而唔係揸住枝奶限定佢: 你講"謝謝" 或者 "奶奶" 先啦
姑娘教我做嘅 我返屋企即刻有做 ... 去片
tima請教左姑娘好多野呀例如titi食飯問題 行樓梯問題...
姑娘好有心機一一教路 thanks 邊個話政府冇好野架 錯呀!
第三件事 亦都係最後一件 就係打四合一針喇
今次姑娘好好好好好手勢 打完之後阿ti完全冇反應
tima忍唔住 : 姑娘 你有冇打架?
姑娘串串地笑 : 哈 好彩阿嫲嫲定婆婆見到 梗係打左啦
tima再望下阿ti 冇喊之餘仲數 A B C (tima叫佢數 諗住分散注意力嘛)
去完健康院 tima同阿ti去食下午茶 玩轉個公園
好多姐姐妹妹哥哥喺公園同阿ti玩
好驚d小朋友咁熱情"哄"個咀去阿ti度
依家d菌咁勁 都係小心d好嘛 第日返學都要小心留意
希望d家長自律 見小朋友唔舒服就唔好比小朋友返學啦
阿ti四歲 Mami再陪你去健康院呢
remark : 阿ti唔知喺邊度學依家唔叫我媽媽叫媽咪
唔叫爸爸叫Daddy呢
最後....爸爸 今日睇中個pradX啡色鹿皮袋真係好靚
返工一流 出街更加一流 yeah!!!!
~_~ 講下啫 價錢更一流 算吧啦 ~_~
沒有留言:
張貼留言