三月十一日 天陰陰
十八個月至十九個月閒記
歲半嘅titi豬
放假喇 一有假期梗係陪titi豬啦
難得公公婆婆都off 一早plan好去南丫島
一來阿ti未去過 二來地方細細可以慢慢行
阿公阿婆老遠買早餐比我地 好感動啊
食飽飽就出發喇 我地坐巴士到中環碼頭
之前阿ti喺第一次搭船嗰陣交左海龍皇稅
所以唔洗驚暈船浪呀 哈哈 好迷信呢
唔洗半個鐘 去到南丫島
阿ti訓左 我地就一路行行行
好多海味店 飾物店 雖沒有長洲那麼多市集
但比長洲多了一份恬靜 自在 特別在平日 沒太多人 剛好...
啱啱訓醒樣 好呆呀 titi對腳長唔長呀? 哈哈
我地向洪聖爺灘出發 途經豆腐花店 仲有風采發電站
豆腐花好好味 凍嘅豆腐花一d都冇雪味 而且仲好軟好滑
七蚊一碗 食得出伯伯用心製作 加油呀 伯伯
一路行 發現南丫島正在發展好多項目 下次嚟可能唔同樣喇
行左大一條斜路 終於到左南丫島風采發電站喇
風景一流 好大風呀!!!!! 我地上埋觀景亭 仲大風
吹到阿ti喺咁狂笑 好似好high咁 笑di人呀
落返斜 去左洪聖爺灘 d沙好幼 水都好清
如果係夏天就可以去游水 依家唯有喺灘邊影下相啦
下面幾張相係tima要求阿ti笑 你睇佢笑得幾醜怪...
好快就行返出去市集嗰邊 三點先食lunch 趕得切四點船
時間咁早 我地決定去一轉動植物公園
比阿ti睇下動物 之前同titi去過兩次動植物公園架喇
今次識得最多野 好 high咁指比媽媽睇 " 雀雀" "ma嬲"...
睇完動物 就例牌去一轉playground 玩佢心愛嘅"sir sir"
離開動植物公園 我地落金鐘接收工嘅tiba
去左銅鑼灣食泉章居 哇 依家泉章居好唔抵食
暫時嚟講冇下次喇 no no no!!!
一日假期好完滿咁完結 換來開心回憶之餘
tima對腳好好好好好赤痛呀 可能行得太多斜路 鳴鳴...
沒有留言:
張貼留言