2010‧12‧19
Titi & Tima
平安夜
今日tima放一日假呀 tiba要返半日工
所以tima要自己照顧阿ti半日
一早問定阿ti想做乜
佢話要搵聖誔老人
ok 就一於帶你去搵Santa啦
一早就落樓食早餐 順便影下d佈置
有加菲呀 好靚靚 阿ti都好自然擺pose
之後去左食麥當當早餐
tima終於食到香草雞扒喇 可惜好失望呀
我地去到santa屋 哇 要排好長龍呀
我地攞左飛 仲有成個鐘 一於去香港公園玩佢心愛嘅長長slide
哈哈 呢條slide始終係佢心中嘅no.1
返到聖誕老人屋喇
好快就到我地
yeah! 阿ti好興奮呀 仲成日要求自己一個影
見到阿ti咁攰嘅樣 就知佢頭先玩slide行得好攰
每"sir"一次嘅代價係行四十級樓梯 哈哈
佢來回最少十次呀 攰到癲
哈哈 把口就話唔緊張
內心就好緊張
所以Santa抱住佢 佢都唔識笑咯
成個人梗左...
同聖誕老人見完面 阿ti笑得好開心呀
佢話 : 聖誕老人好好人呀 佢讚我靚!
tima : 你又知佢讚你?
阿ti : 佢話我好pretty嘛
tima呆一呆 原來阿ti識聽英文!!!
阿ti再嚟多句窩心說話 : 媽咪 多謝你帶我見聖誕老人呀 我愛你!
阿囡 我暈喇.....排咁耐隊都抵呀 hehehehehehe
今年金鐘廊都係唔多靚呀
同之前嘅佈置爭好遠...
離開金鐘廊 阿ti要求食飽飽
唉 攰到屎 就近近地麥記again 哈哈
我地仲多左兩隻cute到爆嘅聖誕老人陪吃tim
阿ti喺度昅實接tiba收工嘅巴士
傻豬 就算比你昅到 都上唔切車架啦
不如食快d出去等車仲好...
接完tiba 我地就去開好開心嘅x'mas party
