2011‧4‧14
離開兒童王國 我地就坐纜車去對面喇
阿ti已經坐過好多次纜車
佢對纜車嘅印象一次比一次深刻 一次比一次雀躍
"new new"長嘅阿ti
手腳長之餘 手指都好長
如果似tiba有長腿就好喇
冇左鯊魚館 得返鱘龍館
但唔知點解仲有鯊魚排牙喺度
好耐好耐以前喺廣州好似食過鱘龍
聽聞呢種魚咩部位都可以食 連個鼻都食得
(人地喺度保育 tima喺度咁講好似有d過份 hehe)
下圖係阿ti嘅作品 哇 好似shark咁
之後去左睇海洋劇場
得返海豚做主角
yeah!
終於到阿ti期待左好耐嘅環節
餵海獅!
未到售賣門票時間
阿ti周圍睇野
跟住佢發現新大陸叫我地去睇 : 海獅睇醫生呀!!!
真係病左? 定還是檢查?
但睇左一陣真係似病多d 好多針筒拎左出嚟
究竟呢d係唔係特登比人睇嘅"實況"呢?
正常海獅病左 唔係應該喺房度處理?
好野
有得賣喇 阿ti自己拎錢去買
仲識講 : 唔應該一份魚魚丫
之後自己去餵飼區排隊
有得餵喇 姐姐比左一份魚阿ti
阿ti有聽tima話 唔好即刻餵海獅
要引下佢地先好玩
一共有三條
照理應該好夠阿ti玩
但可惜Ti姐愛心爆棚
決定再來多一份 ~_~"
阿ti之後見到海獅都好high : 滑嘟嘟 你係海獅 好滑滑...
諗住排隊坐纜車走 點知好多人呀
於是行埋水母館
哈哈 順手比tima玩埋新嘅flash
其實今日已經玩左海盜船同韆鞦架喇 hehe
纜車鬼咁多人 我地坐海洋列車
睇埋威威劇場 我地咁多年嚟都未睇過
原來都ok 好少悶場
阿ti要求多玩幾次嘅機動遊戲
我地都一一答允
唔好睇個天咁光
其實都六點半喇
行埋商店要走咯
tiba話七點半有咩飛龍睇
但我地太攰喇 決定走lu
哈 臨走比我地見到Mr海豚
car娃依呢
再見 新改革Ocean Park
我地都係鐘意以前個海洋公園多d呀
2011‧4‧14
海洋公園起左個新嘅海洋水都
tiba啱啱有discount tickets 所以一家三口又去玩咯
停車場七十蚊一日 平過disney一半呀 仲有cover 抵!
tima一落車 哇 真係唔同晒
以前嘅入口冇左lu 可能感情問題
tima鐘意以前嗰個入口呢
入票都冇左威威師令 巧唔開心呀
一入門口就見到就見到Mr Shark
一向大大膽嘅阿ti 居為有d驚 唔肯自己行埋去 呵呵
我地第一站去水都 (有冇叫錯呀? 哈哈哈)
被人逼左去合照
摸左粒超膠超硬嘅"海星"
好多魚呀 佢地真係可以一起住麼?
後面嗰個都係魚缸
tiba努力教阿ti搵"so mei"
阿ti一見到做左個作嘔嘅樣 : 魚嚟講佢係醜呀
tima奇怪 原來阿ti開始分靚同醜
話分兩頭 阿ti個包包係姑婆喺四川買返嚟架
姑婆初初話得四川先有兩隻熊貓嘅袋賣 tima一直不以然
後嚟好多海洋公園嘅員工都讚嘆 : 個袋有兩隻熊貓架
哦 原來其他地方賣嘅包包得一隻熊貓嘅...
D水好唔清咁
仲有呀 玻璃好似好厚咁 睇得耐有d暈
Miss Titi都好比心機去睇 去觀察
我地喺後面等左十分鐘到 佢先話走
行下行下
哇 呢度係最靚嘅
一條圓柱型設計嘅魚缸
阿ti都話 : 好靚呀!
下一個影相位都好靚
但奈何周圍都係人人人
嘻嘻 原來長腳蟹係咁企喺度架
平日見一係紥住左 一係喺淡水嘅魚缸
哇 最後企喺大大嘅魚缸 似唔似沖繩呢?
真係要去下先知lu
條魔鬼魚游得咁近喎
出嚟睇下d商品 都幾靚 但唔買 HEHEHE
之後去熊貓館
Hello Panda!
Miss Titi 好想買嘅panda
tima話 : 你個袋有兩隻喇 你要個袋定隻公仔丫?
阿ti即刻擺低公仔 yeah!!!
之後去左兒童王國
咁大杯哈根戴斯雪糕嘅?
去到小火車
阿ti要求自己坐 我地都呆左
我地仲有揸船仔
呢個青蛙跳 tima都係第一次玩
比想像中少少驚喎 阿ti一去到就衝上去
tima陪玩一次之外 佢自己玩左六七次喇
哈哈 之後嚟兒童王國 阿ti仲要聰少陪玩呢條slide
依家自己上到個slope 真係大個lu
之後玩埋個彈床
唔洗兩分鐘佢就出嚟 : 唔好玩嘅
係呀 可能呢d對佢嚟講已經唔再有挑戰同刺激lu...
行過喺度畫畫 畫左好耐都唔知畫乜
玩左呢個機動遊戲就準備走咯
tima發現海洋公園最乾淨嘅洗手間就係威威劇場隔離嗰度
可能少d人去啦
洗手間後阿ti自己喺個袋度攞左包mini grape juice出嚟
tiba同tima一呆 佢幾時放入去架呢? 我地兩公婆發現唔到嘅?????
跟住去左小熊貓館
但點解一隻小熊貓都見唔到嘅???
反而有隻公仔企定定喺度
哈哈 呢隻公仔可能冇殺傷力 阿ti自己行過去 : 唔該媽媽幫我影丫
好多panda呀 究竟有冇人會買呢?
小熊貓幾得意 tima都有心動過要買 反而阿ti唔鐘意喎
臨坐纜車之後
我地見到個新玩意 係好多海洋動物嘅merry go round
阿ti一見就就要揀海豚
殺人鯨同海豚
哈哈 兩父女
臨走tima屎都搬阿ti影張殺人鯨
阿ti被迫下屎都唔肯望鏡頭
算 唔望都殺 哈哈哈哈哈
