十二月二十五日 有d凍
十五個月至十六個月閒記
聖誔快樂呀!!!
每年聖誕節 tima屋企都有聖誕party架
多數都自己整野食 之後仲玩交換禮物tim
呢個聖誕party由tima小學時代到依家都有 一年都冇停過
上年tti第一年參加 今年係佢第二年參加架喇
我地今年仲特登去觀塘 吉吉島買材料tim 好開心!
lunch就喺food court解決 聰少買左個85蚊嘅牛定食
個定食會比d生生地嘅牛肉你 之後你要好快手就用鐵板燒佢架
好好玩 仲好好味tim 但lunch喺food court食好貴左d...嘻嘻
我地喺吉吉島買完晒野就直衝婆婆屋企lu
yee ee去佈置 仲幫tima手整野食tim 好快就整完收工lu
今晚食得好開心 最主要嘅原因係titi可以食我地嘅野喇
titi今年收好多禮物呀 親戚們都好錫titi 多謝晒呢 ^^
談titi 你下年仲參唔參加我地家族式聖誕party呀?
如意外 下年嘅聖誕你應返緊學 會唱聖誕歌仔呢 ^^
每年都想有tiba同titi陪我過聖誕 咁就最好喇
十二月二十四日 平安夜
十五個月至十六個月閒記
今晚係titi嘅第二個平安夜 要好好安排
以前喺平安夜 會落bar 會去狂歡 去party
今年我地揀左安靜地同屋企人渡過
tima收工就去接titi 準備好一切 等埋ti爸就向表叔屋企出發!
正當tima諗幫titi著咩衫 居然比我搵到上年件聖誔老人衫呀
其實個頭位已經笠唔到 好彩tima出動針線搞掂佢 yeah!
嘻嘻 仲吊腳tim 唔緊要啦 著多一次咯
睇下聖誔老ti幾囂張
一家人圍埋一齊 梗係食火鍋最好啦
今個平安夜唔凍唔熱 都幾好丫
仲記得有一年好熱呀 一d氣氛都冇 今年就唔錯
titi同表叔又玩又食 好快就過左一晚 ~ 溫馨平安夜
食到十點 好返屋企喇 聽日仲飄去聖誔 party呀!!!
十二月二十二日
十五個月至十六個月閒記
真係好喇 一份手信就引到blog友小敏出嚟喇
小敏係邊個? 佢就係Sponsor Titi's blog banner嘅廣告奇材呀
由最初嘅一兩張banner 到依家每次都有theme
小敏真係一個好厲害嘅designer呢
咁難得約到小敏出嚟 mami收工第一時間接titi
ti爸仲特登早走少少 幾咁重視呢晚嘅聚會
我地約左喺銅鑼灣食飯呀 今次喺千兩食 (因唔洗等位...)
雖然我地早左出門口 但都late呀 點解?
因為嗰晚銅鑼灣有交通管制 交通警截住我地條路
搞到我地late左九個字 好對唔住呀 小敏 一約你就late...
小敏真係一個好可愛兼細心嘅女仔 一早買定餅餅比titi
等titi見到佢都唔驚陌生 之後仲好快同佢玩
成餐飯 我地都食唔夠二十碟sushi 有冇搞錯呀
大家都掛住傾計 掛住同titi玩 哈哈
食左冇幾耐 小敏嘅honey嚟到喇 佢地好sweet咁打情罵俏
ti媽喺度祝你地快d有自己嘅屋企 快d有自己嘅baby 呵呵
食飽飽 就去左times square上面影相 繼海港城之後
ti媽再一次失望喇 以往嘅christmas deco'真係靚好多呀
希望下年會有返個sparkling嘅christmas啦...
聚會後幾日 ti媽收到小敏嘅e mail
thanks 小敏 今次嘅theme都好靚 好鐘意呢
再一次多謝你sponsor titi嘅private party...titi第日睇返一定想錫姐姐呢!
十二月二十一日
十五個月至十六個月閒記
福祿夀再有聚會喇
今次比我地大鬧嘅地點喺屯門
由於我地今晚個個都做冬 所以早去早走
接埋alvin媽一家 就直入shampoo嘅地頭喇
喺度要同shampoo講多次sor泥 因為我地唔熟屯門
所以令小喬一家左好耐 去到酒樓 見到佢地一家仇狠嘅目光... 哈哈
唔好意思呀 要你地霸位 仲要等... 下次唔會架喇
飲茶個個都食左好多野 特別係三隻小豬 個個都食饅頭
埋單先覺 原來gathering飲茶都幾抵架喎 下次都去飲茶喇
食飽飽 換埋片片 就向屯門市公園進發咯
上次嚟過屯門公園嘅昆蟲館 所以今次淨係喺草地玩下
福祿夀係咁影相 但係mami影影下冇心機呀
因為個slope都好斜 成日驚三隻小豬會仆親...
後尾道具組玩波波槍 三隻小豬更加興奮
titi係咁想拖人 但佢地個個都去追波唔理佢呀 哈哈
最慘係男朋友仔都唔比佢拖 titi下次要著靚d喇...
玩到三點到 大家都要各散東西喇 做冬大過年嘛
臨走前福祿夀少不免整張合照先
依依不捨 同小喬一家bye bye後 就同alvin一家返荃灣
而我地就返嫲嫲度做冬喇 是晚有乾鮑同魚翅呢
titi勁鐘意飲魚翅湯 可能有d金華火腿味卦
嗰d金華火腿係今年六月華東之旅買架
上海嘅金華真係好味好多 我都飲左三碗!!!
小喬媽 alvin媽 仲記唔記得上年聖誕 我地喺德福相遇...
咁快就一年喇 我愛你地so so much!!!
最後多謝你地嘅禮物 非常實用呢 ^^
