十一月二十八日
十四個月至十五個月閒記
好喇 同大家介紹下自己先
Hi 各位好 我叫Titi呀 喺度同大家打個招呼
在座有冇人唔識我呀?
你地好嗎 近日天氣凍喇 大家要著多件衫呢
我知道mami用左好多時間 好多心機去準備今次嘅旅行呀
初初佢有諗過唔帶我去旅行住 因為我年紀都仲細
但後嚟佢睇左本書 見到個記者點樣帶佢個baby環遊世界後
佢改變主意喇 為左比多d野我學 放眼世界 就造就呢次東京之旅
仲有呀 mami成日話去旅行就算我大個唔記得 都有相可以睇返
而且回憶呢樣野 大人都有嘛 我唔記得啫
佢地d大人都記得曾經帶住十四個月大嘅我去wet架
mami呢幾日都好驚我整親 驚我去唔到旅行
點知最後我真係比蟲蟲咬呀 個額頭有d腫
好彩mami個客比左d澳洲正宗嘅茶樹油我搽 依家退左好多喇
見mami依家執緊行李 我就偷mami張清單比你地睇丫
你地第時同bb去旅行都用得著架 嘻嘻
但講明先呀 你地唔好用private msg話我偷張list比你地睇呀
ok? 拿 私人醒你地啦
呢張就係我的麻煩mami嘅旅行清單喇 咭咭
攜帶用品for Mami’s Titi pig
食用方面
~ 金色萬用袋 ( 刀叉, 口水肩兩條, 麵夾 )
~ 奶樽六個連蓋
~ 奶粉 23小袋 (5小袋4匙 其他3匙)
~ 即食粥餐 5盒
~ 便餐即沖粉 4包
~ 水杯
~ 熱水壺
~ 暖奶器 ( 用作暖粥 ) 但考慮緊帶唔帶 因即食粥用熱水焗即可
~ Watson’s Distilled water 3大樽 (L size)
~ Baby snack ( 餅仔 麵飽 提子乾 )
~ 消毒奶樽片一盒 Chuchu
~ 上機前買美心排一袋
衛生日常用品
~ 尿片 半包二十五片 (大碼加褲型)
~ 濕紙巾四小包 (方便攜帶嘛)
~ 爽身粉一小枝 (唯有用返johnson 日本嗰隻冇一枝枝 唔方便)
~ 潤膚膏
~ 洗頭水輕便裝
~ 沐浴露輕便裝
~ 睡袋 (有朋友提議叫我唔好帶 依家諗緊)
~ 小枕頭
~ 沖涼小蟹仔
~ 暖包
~ 平安藥 (診所配製)
~ 退熱貼
服飾
~ 麵飽超人行李箱
~ 小髮夾5個
~ 冷帽
~ Cap帽
~ 護耳
~ 小鞋子4對
~ 小襪子4對
~ 小絲襪 襪褲
~ 和服
~ 小和服 小和服手袋
~ 4至5件外套
~ 衣飾四套 (連出發一套)
咭咭 我成日笑mami 整張清單出嚟有咩用
一陣照住執都漏就搞笑咯
話晒今次去日本 有咩漏都買到啦 傻婆
2008楽しいTokyo5日の旅
<<準備篇>>
我地聽日出發喇 未出發先興奮 mami開心到訓唔著覺
我都唔例外呀 琴晚搞到佢地兩點先訓 叻唔叻先?
話時話 我d餅餅都未擺落自己個麵飽超人私家喼呀
唔講住喇 我都執埋d手尾先 mami一陣又鬧我喇
我離開香港嗰5日 你地要掛住我呀 唔好唔記得我呀
我要陪mami去東京喇 喺東京再見啦 bye bye
噢...仲有呀 有冇人話我知撘飛機隻耳仔係唔係真係好痛架? 驚驚呀...
