四月三十日
三十一個月至三十二個月閒記
tima一直好鐘意聽阿ti講故事!
每次喺圖書館借書之後 都親自講故事比佢聽 之後會要求阿ti講返一次比tima聽
由初初講得唔順暢 講到都完全唔到題 到依家可以講返個故事出嚟 真係進步左好多!
當中tima用左好多心機教佢 比佢幻想空間 比佢有自信講出心中嘅故事...
今日, 真係好想讚阿ti呀! 因為今日tima喺佢臨訓前講左一個故事比佢聽 (係學校嘅圖書)
只係講左一次咋!!! 佢都記得晒 仲講返出嚟...進步!
佢喺好眼訓嘅情況下居然一take過講得返出嚟喇 仲記得晒d key point!
喺tima強烈要求下, 佢肯對住dc講一次, 雖然冇第一次講得咁順 但都好清楚個故事內容喇! 仲間唔中有d笑容tim....真係大個女喇!!!
以後 tima都會要求阿ti對住dc講多d故事 等佢講得愈嚟愈自然先 大家都加油!
四月中完成
三十一個月至三十二個月閒記
呢一round一口氣借左十本圖書 一套十本嘅晶晶樂園主題特刊 (全冊)
全部都係對比 呢套書真係好值得推薦
裡面好多圖 好多公仔 字就少d
用故事手法去表達大小嘅不同 輕重嘅分別等等
呢次要用兩個星期去完成啊 阿ti好鐘意呢set書呀
tima見過幾次佢自己坐喺度睇 非常好呢!
第一本 <<左和右>>
阿ti之前已經識分左同右 反而見到公仔左右手 搞到有d疑惑 tima見到咁 即刻唔再睇 費時睇完左右不分
英文生字新學/重溫 :
Left, right
第二本 <<裡和外>>
邊個喺屋屋裡面呀? 咁屋屋外面有咩人呢?
英文生字新學/重溫 :
hide and seek, out, in
第三本 <<遠和近>>
喺山上面嘅小朋友遠d 同山腳嘅小朋友呀? 小雞企得遠定近呀?
英文生字新學/重溫 :
green, say hello, so hot, chicken, hill
第四本 <<多和小>>
邊個有最多白菜呀? 邊個d白菜少d呢? 羊羊定狗狗呢?
英文生字新學/重溫 :
carrot, dog, sheep, many, who, please, green, more
第五本 <<長和短>>
三個小朋友 邊個著最長嘅褲呀? 最短嗰條呢?邊個會著?
兩條線開端同結尾一樣長 咁邊條線會長d呀? 直嗰條丫 定曲嗰條呀? (阿ti知道曲嘅線會長過直嗰條)
英文生字新學/重溫 :
short, lone, bed, hair, rope, shoes,
第六本 <<大和小>>
呢本最簡單 tima唔洗講故仔比阿ti聽先 阿ti都看圖講故仔比tima聽
英文生字新學/重溫 :
big, small, ball, water melon
第七本 <<厚和簿>>
Tima :邊本書書厚d呀? 點解呀?
Titi : 因為多紙d
Tima :邊本書書係簿架?
Titi :因為少d紙架
okay 收得工 嘻嘻
英文生字新學/重溫 :
thick, thin, book, dress, read
第八本 <<前和後>>
阿ti唱左首童謠 : 前前後後左左右右..Tima知道佢明咩係前後 但都講左個故事比佢聽
英文生字新學/重溫 :
back, front, school, study, stand, sit
第九本 <<重和輕>>
Tima : 同一支電筒 邊個會覺得輕呀?
Titi : 狗狗咯
Tima : 咁邊個覺得支電筒好重呀?
Titi :雀仔咯
啱晒喇 收得工...
英文生字新學/重溫 :
light, birds, dog, grass, sun, moon, star, blue, happy, sing, tree
第十本 <<上和下>>
有一班動物準備開party 佢地商量後 決定去山腳嘅草坡地呀 中途見到唔識飛嘅雀仔被困 於是青蛙去救佢...雀仔喺樹上 豬豬喺樹下...
英文生字新學/重溫 :
bird, monkey, sheep, dog, horse, jump, cow, frog, tree, grass, hill, sing, fly, can not, eat
四月十八日
三十一個月至三十二個月閒記
阿ti人生中第一堂興趣班..
阿ti人生中第一堂芭蕾舞班終於都嚟喇!
tima之前睇左好多報導 知道芭蕾舞pre school除左跳舞外 仲有好多得著架!
例如 : 建立自信, 可以同多d小朋友玩啦, 可以學多d兒歌啦
六百幾蚊一個月 有四堂 都算好抵! (join一年送裙送鞋送書包)
tima一報就報左個一年嘅course 中間如果阿ti唔鐘意都照樣要學 哈哈 係唔係好殘忍呢?
阿ti講得想學 tima就要求佢學得好頭好尾 如果唔鐘意 都要返架喇 就當返左playgroup都好啦 唔一定好認真咁跳嘅 還掂未到四歲pre school學嘅都係basic野 例如 有music就扮蝴蝶走嚟走去 music一停就要求小朋友慢慢蹲下扮降落... 所以當玩就好夠喇!
如果佢跳得好認真 tima先再安排另一間學校比佢啦
依家呢間學校算中上 tima貪佢近屋企 興趣班最好唔好返咁遠 大家都辛苦 小朋友都緊張d啦! 另外 tima見佢有好多演出機會 第日如果阿ti學得好 有演出機會 都係一件好事 可以訓練下膽量嘛!
阿ti收到校服就急不及待換上 仲要tima幫佢影相呢!
嗰陣tima以為佢淨係鐘意靚 仲驚佢一返學就唔制 點知...佢真係好enjoy跳芭蕾舞架
返學喇!
第一堂阿ti果然喊左..
本來佢心情好靚 冇喊到架 直至入房室 佢見好多大人 唔知發生咩事 仲比小朋友推撞 佢周圍望 就哇一聲喊左喇!
tima心好慌呀! 唔係嘛 喊唔比入架喎 阿ti唔好喊啦!!!
正當tima好緊張之際 老師叫tima入埋課室陪阿ti喎
tima一聽到可以入課室 即刻攞相機去偷拍先 hehehe....
阿ti第一堂上得好好呀 完全跟到老師要求做嘅野!
老師仲讚阿ti好淡定 好醒目 冇周圍跑嚟跑去 (有d同學成堂都自己跑嚟跑去)
仲話第一次嚟算好好 話佢手長腳長好啱跳ballet...(手長唔係啱彈琴咋咩? 唔明...)
TIMA偷影左幾副相 去相!
哈哈 係唔係好勁呢 咁都偷影到!
估唔到阿ti唔係貪件衫靚靚 而係真係鐘意學ballet呢! 加油 希望下堂跳得再好d yeah!
tima終於格好晒價喇 我地準備向長隆出發喇! 
本來想跟團 唔洗煩 唔洗諗 但旅行團喺動物園淨係stay三個鐘 太唔夠玩喇 所以都係買package啦!
我地終於可以出發喇 之前同阿ti講左多次去動物園都冇去到 (懶冇攞回鄉證) 結果淨係去得個動植物公園..........見好多爸爸媽媽都同d小朋友去左 我地真係大鄉里喇....
格價後 呢個plan最抵...
今次我地個package :
$2050包 :
來回香港長隆車票兩套 (阿ti未夠三歲唔洗錢)
新長隆酒店狩獵房一晚 (要求大床)
自助早餐兩份 (阿ti小童加 $40)
長隆大馬戲門票兩張 (阿ti唔洗買票)
*** 另外每人加 $160買長隆動物世界門票
依家plan好第一日慢玩動物園 睇埋馬戲 之後食餐好嘅
第二日玩埋鱷魚公園 睇下有冇時間喺酒店游水水 嘻嘻!!!!
阿ti同tima攞返回鄉證喇! 以後就可以去多d呢種國內trip咯 充下電都唔錯丫 期待...
(我地出發嗰日 姑姐去東京呀 ~_~ 姑姐姑媽 記住幫我地入bape kids同奶咀b呀!!!!)
見到雜誌呢個廣告同專題 喚醒tima幫阿ti揀幼稚園嘅段段回憶...
阿ti報左幾間幼稚園 成績OK 全靠嗰陣喺網上同大家交流交流...
呢排 到2010-2011嘅家長煩惱 呢度少少資料分享下啦
好似上面雜誌主攻interview嘅班 貴就唔算貴 但係唔係真係work呢?
其實tima覺得ok架 因為小朋友練得多就自然唔怯場啦!
TIM A個客嘅孫都JOIN左 入到九龍塘好理想嘅幼稚園!
每間幼稚園做interview都有唔同嘅收生標準
但大多數都會揀精靈d 整潔d嘅小朋友 所以家長要喺呢方面留意啊
- 幾次interview tima留意到老師都有望小朋友嘅手指甲架 如果媽媽淨係揀件靚衫比小朋友 而冇幫佢修剪指甲 可能會扣d分呢
- 媽媽記住喺interview唔好搶答問題啊 老師問小朋友 唔好即刻搶住幫小朋友 比佢自己答 有時 老師唔需要正確答案 而係要睇小朋友嘅反應 如果家長急唔切搶住show off小朋友識好多野 就會扣分架喇
- 好多名校都唔鐘意小朋友講英文 除非係國際學校或者講明用英文去做interview 非必要都唔好比小朋友答英文
- tima用dsiney門票同雪糕券"引"阿ti答問題 話答中晒問題又笑笑 老師就會比券我地喇!每次都成功的!!!
- 切記要量力而為 唔好明知學費負擔唔起都堅持 要知道小朋友一向讀上去要洗好多錢 好肯定咁多年都負擔到先去報名 好多幼稚園同小學都有關係 要了解多d先報
- 臨入班房 tima有不停喺阿ti耳邊講野 講好多野 分佢心 等佢relax d 唔好feel到有局促
- 多d睇babykingdom嘅forum 邊間學校會轉校長 邊間學校一條龍...睇多d 知多d 冇壞呀!
- 搵到心儀嘅學校 就周圍打聽有冇人事關係 分分鐘你附近嗰個可以幫到你架
- 最後 家長喺interview都要輕鬆 tima試過同老師傾左好耐 耐到個sister入嚟問到下個未...
老師對家長印象好 都爭好遠架!
好開心今年好多朋友同客人嘅後代都去到心儀嘅幼稚園 真係開心過中六合彩!
根德園呀 st cat呀 st paul呀 聖心呀 培正呀 聖公會幼稚園呀 協恩幼稚園呀等等
見到大家都開心就好喇 希望大家喺九月會有個新嘅好開始啦!
感恩! 2010-2011嘅家長 加油呀!!!!
四月頭
三十一個月至三十二個月閒記
完成三本圖書啦 呢次嘅圖書好多圖畫 好多文字
tima初初諗住係迪士尼就即刻借晒成套 點知高估左阿ti嘅程度呀
嚴格嚟講 呢次借閱係失敗嘅...
頭先講過 呢三本書多圖畫 多文字 而內容都太複雜喇
以前幾次借閱 阿ti都可以講返個故事比tima聽
今次唔好話講返出嚟 就連書嘅內容都唔係好明
特別係 <<唐老鴨的聖誔禮物>> 佢真係完全唔明呀
佢知咩係聖誔禮物 咩係交換聖誔禮物 知道咩係聖誔節
但佢唔明點解Donald為左要知收咩禮物而逐間店去搵線索
唔明點解pluto要賣骨頭 minnie要賣頭夾去買禮物比donald
加上個故事真係複雜左d
tima講講下都唔知點解釋比一個兩歲半嘅小朋友聽
呢次嘅閱讀計劃失敗 下次要小心d揀書咯
阿ti初初有唔開心 講唔返個故事出嚟
後嚟tima解釋本書比大人睇 佢先有返d笑容咋
以前嘅閱讀計劃係用平常心去做 得閒就講
到依家阿ti自己要求每日做 tima六點半返到屋企就捉住tima講比佢聽
今日tima講左個故仔 教左英文字 聽日tima就會問書
阿ti可以講到同記到三分二 都算唔錯呀
問完書 阿ti就會拎另一本書出嚟比tima講...
每次睇新嘅圖書 tima都盡量利用個故事問返d佢之前學過嘅 溫故知新
今次新學 / 抽問 (之前學過) 嘅英文:
Frog, Fly, See, please, grass, book, honey, ballon, hand, oh, my god! shoes, come on, get ready, red, green, blue, black, yellow, eat, open the door, close the door, turn around, star, tree, no way, pray, jump, moon, apple, apple juice, orange, orange juice.
借完今次書 再借書嘅時候 tima發現 阿ti好鐘意學英文呀
特別鐘意學完就叫tima問佢 對自己仲好有自信
有時仲叻唔切...
tima :一入到屋屋 donald見到好大棵.....?
titi : 樹
tima : 係呀 好大棵樹 係聖誔樹嚟呀 樹嘅英文係?
titi : tree (發音正確)
tima : 係呀 見到christmas tree 哇 好靚呀 樹樹係咩色架?
titi : 綠色咯 英文係green!
tima : 係喎 但媽媽都未問你 你就講英文 有d叔叔唔識英文架 等人地問你英文 你先講green呀
titi : 媽媽 你再問我樹樹咩色丫?
tima : 樹樹咩色呀?
titi :綠色! 媽媽 你識唔識英文呀?
tima : ~_~ 梗係識啦
titi : 我同你講英文啦 綠色係green
~_~ 阿ti 你究竟明唔明媽媽講咩呢? 定還是你喺度耍媽媽?
四月九日
三十一個月至三十二個月閒記
離開史迪仔 我地去玩3D喇 未開車 阿ti好開心咁笑
究竟佢喺度笑咩呢? 真係唔知道 可能tiba同tima放咁多日假好開心卦...
到喇! 其實喺日本都有3D館架 但香港有又唔洗錢 梗係去睇下啦
呢d 3D景好蝦人影 企過少少就唔似架喇 我地影左三個景 最似都係瀑布喇!
呢張tima同阿ti本來好靚 但tiba企過左少少 冇咁似喇...
拿 係咪呀? tima企返過少少 幾似!!! tiba真係好似企喺瀑布邊咁呀!
喂! 個女tima有份生架 停呀!!!!!!
玩完3D 比阿ti見到有冒險樂園 阿ti依家有95CM 但唔知點解險樂園個staff唔比阿ti玩90CM嘅遊戲 有冇搞錯呀 佢一行埋去一度 當佢見唔清楚95CM都肯定有90CM 佢居然話阿ti唔夠高!!!! 搞到淨係玩到波波池同火車咋 難得阿ti咁想玩青蛙跳都唔比人玩 過份呀! 但tiba話算 唔好掃興 我地就走左咯...
波波池有tima陪 阿ti好好笑架 每次話幫佢影相 佢都好識做咁擺pose say hi呀 v晒手咁呀 總之會等tima影完 佢先繼續玩架 抵錫!
tiba居然自己話陪阿囡玩 哈哈 點知一坐落去 架車就嚟爆喇!
玩完之後 tima攰到嘔 依家阿ti大個喇 同佢玩波波池真係追呀 跑呀 "捐"呀 真係攞命
近近地 食genki喇 tiba入門口喺度偷笑 : 想食genki下午茶好耐喇!
下? genki有下午茶set架咩? 仲要39蚊tim喎 幾抵食!
就係呢份喇 39蚊咋...
阿ti食好多麵同熟野
但佢兩歲人仔都有食生食 就係魚子喇 食左幾粒 愈食愈想要tim...
最後 我地又係揸車周圍食 有最新熱店"ROLL" 真係好正
d旦卷超軟熟 味好濃好香...分左d比婆婆同yeee 佢地都話good!
仲有tima好耐冇食過嘅和記隆 真係好味到不得了!!! 綠荳茸啊!!!
肥c人喇 ....夜晚去左稻香食一蚊雞 真係平夾好味 我地叫左兩隻 加幾個小菜 超爽價走返出嚟 抵!
