Excelsior family gathering

五月二十二日

三十二個月至三十三個月閒記

 

         

                                Ah Ti @ Excelsior  

               22.05.10

 

 

         

                             姑姐日本空運到港手信 大大大部份都係阿ti嘅...

                          

                                                           太古城逛街中

                            一家七口逛街 公公婆婆聰少yeee tiba tima 仲有阿ti....

                          

                              就嚟世界盃喇 呢次係tiba同tima第三次一齊睇世界盃

                                        下次世界盃 tima一定要陪tiba去現場睇!

 

          

                  世貿中...tiba買左隻鱷魚先生比阿ti玩 阿ti每玩一次就驚一次

                                                  佢個樣仲好搞笑架!

          

                            

                                趁阿ti未到三歲 呢排會繼續狂試buffet 哈哈哈

                         今次去怡東酒店先 次次都係返屋企途中見到人地食

                            依家仲唔到我地食 仲比tima成功爭取到坐窗口位 呵呵呵!

                                            食物環境都好好 我地會比九十分!

          

                                 哈哈 有波板糖同生果筒 仲有蠔吧 即開即食

          

                              海鮮大多數你數得出都有 特別係蟹好鮮甜

          

          

                         

                                    大家都食得開心 傾得開心 大大碟蟹嚟喇!

          

                          

                           

                                     坐窗口位 阿ti最開心 喺度趴呀趴 "累呀累"

          

           

                           

          

                          

                          

                          

                                      阿TI都密密食 特別係朱古力同士多啤梨

                          

           

                         

                                                有冇引到你流晒口水先?

                         

                         

                         

                           超級至愛 哈哈哈 食左好多個至愛葡撻 超好味呀!!!

          

                                           朱古力豆腐花 不過不失啦

          

          

                         最後 有海蔘鵝掌 同埋阿TI嘅至愛哈根帶斯呀!!!!

          

                         有朱古力味 strawberry味 vanilla味 咖啡味 曲奇味等等

                        

        

                          呢D family活動 真係好perfect! 我地都好鐘意好enjoy呀!

打尖blog : 我的小仙蒂羅拉公主

忍唔住...手多多...

打尖post左幾張先... 仲有好多好多張嚟緊

                                           

                                      

    

                                      

             

                                      

           

媽媽教室 (英語篇及借圖書) Round 6

五月中完成

三十二個月至三十三個月閒記

 

 

           

 

五月頭去左長隆 搞到呢一set要讀左兩個多星期tim

加上阿ti對呢set書嘅興趣唔大 搞到tima都唔多想拎出嚟講呀

全套書都係品德教育

安全呀 禮貌呀 清潔呢d阿ti都好清楚係咩嚟 所以一講上口 佢好明白兼冇咩興趣

反而tima講到 "環保" 佢就好靜咁聽 仲有發問tim

依家佢印象中 "唔浪費 = 環保"

每逢出街佢都要求熄晒d燈 唔用嘅電器都好主動叫我地關上 仲會教訓我地 "要環保呀!"

 

呢次冇教英文生字 成個五月都唔教 淨係溫返以前嘅英文生字 全部都仲記得好好 依家佢嘅英文生字庫已近百個喇 好好加油!

好彩阿ti好鐘意學英文 反而國語就有d抗拒...

暑期班tima已準備好喇! 期待一起學習!

觀課日後的迪士尼

五月十二日

三十三個月至三十四個月閒記

 

今日阿ti學校有觀課日呀 tima同tiba都請左假去睇佢

可惜學校淨係安排到一位家長觀課 tiba唯有喺門口偷望啦

未觀課之前通告都有寫唔比偷影相 tima初初仲估d家長會偷影 點知都冇人咁做

於是tima好失敗咁零紀錄出返嚟啦

都好嘅 守下規矩 偷影始終都係唔啱 (雖則tima成日做 哈哈哈哈哈)

觀課日內容:

玩音樂椅 , 唱歌仔, 主題係交通工具, 有隻雀仔跌落水...

 

觀完課 問阿ti去邊 佢果然係想返鄉下 迪迪尼 (我地都預左)

買左幾包cookies 兩包比老師 一包比自己 咁就冇左二百幾 哈哈

我地架車返廠驗車 於是撘港鐵啦...

估唔到阿ti對架disney列車完全冇興趣 連笑容都係比面先送個比你咋!

一大袋校服同書包 一於收喺lockers先去玩 輕便d嘛!

返到家鄉第一件事梗係玩buzz!!! 阿ti依家自己一枝槍射喇...

跟住去左火箭餐廳食lunch 阿ti食左好多雞同薯條 仲有飯飯...

之後去左玩pooh pooh

玩完去左禮品部 阿ti好鐘意呢隻公仔呀 仲幾次要求買呢! 可惜我地不為所動

話明今次係hea遊 一邊行 一邊影下相

阿ti嘅笑容會話比你聽 佢幾時有mood 幾時係敷衍你

本來想呢頂帽架 可惜阿ti唔鐘意 就冇買到

tima覺得好靚好鐘意呀! 唔買都迫佢整張相先

之後談小姐要求玩至愛轉轉轉轉到暈小馬

勁投入同勁開心架!

玩完見到呢個唔似有智慧嘅智慧老人

老人話阿ti高就高 但要增肥

係 我地知道架喇 但智慧老人 佢要高唔肥都冇計喎 哈哈哈!

時間計得好好 一去到有得入場睇3D

tiba被迫玩佢至憎嘅小飛象 哈哈 轉到佢暈

之後就展開追星行動....

阿ti愈嚟愈大膽 咩都唔驚喇! 自己應付d公仔 冇人理都ok

到佢就自己行過去 同公仔雞同鴨講 之後就擺pose架喇!

行到咁上下 談小姐扮晒野呀

忽然好down咁 : 好想要pluto呀! (睇下阿TI嘅手指 好長呀!)

唔洗一陣 tiba屈服左

哈哈 女皇萬歲!

有禮物就有心情繼續玩 影相都有心機D 真現實~~~~

大家都攰喇 TIMA去買D甜品食...

阿TI唔客氣 嚟喇喎!

食完比佢見多兩對明星 又衝過去 ~_~

D工作人員用水畫畫呀 仲有好多公仔架 好靚呢!

唔洗六點就走喇 好攰呀...仲要同人迫港鐵 勁攰...

tima最後要求阿TI同戰利品合照一張  留下念嘛! 依家佢儲左好多DISNEY家族成員喇!

 

最後返灣仔買再興外賣 好好味啊! HEHEHEHE... 好開心嘅一家三口日!