真係唔捨得......史力仔

今日算係產假既最後一日 亦都係喺產假獨自照顧titi既last day啦

雖然聖誔節仲有七日大假 (哈哈 即係返一個月工 放半個月咁放滯)

但個心係有d唔捨得呀

我係唔捨得titi? 唔捨得放完假? 我都唔知呀

只知道心情很複雜

好想返工呀 (我唔想咁後生就做少奶奶 老實講呢個產假係有d悶 有d似黃面婆

我要趁後生為titi打算 賺多d錢比佢 所以ti爸唔洗諗我會放棄份工呀

我情願放工時間比晒titi呀 咁先更加珍惜 ) 

但另一方面 啱啱小ti先認得我 我有d驚第日淨係夜晚見到佢

佢會唔會唔再好似依家咁窩心架?

依家佢真係好窩心呀 日日都嗲住我 同佢傾計又會好sweet咁笑 殺死我啦

如果返工既話 我一定會掛住佢 (雖然係咁 但我都係揀返工 呵呵)

諗番未生嗰陣 日日都叫救命想快d生

生左啦 日日都叫救命唔知小ti喊咩 身體又未復元 好辛苦哩

到依家咩都settle晒 小ti鐘意mami mami又有體力照顧佢

依家先話就黎返工 實係有d唔捨得啦 (好彩奶奶照顀佢 我唔洗擔心 仲日日都見到佢)

我諗mami既心情好快平伏既

titi放心 mami答應你 日日都準時六點前接你 好冇?

mami今日同titi既打扮係 史力仔呀 哈哈 (mami今個月淨係買衫比你都買左好多錢

有四位數呀 好彩產假係有pay架啫 唔係titi就冇靚衫衫著啦)

 

 有請史力仔出塲 :

最後....................... 史力仔戰勝唔到睡魔 大字型咁訓左啦 哈哈