第一次用匙羹進食(和光堂粟米湯,南瓜湯)

                                   十二月九日 小ti嘅百日宴開始之前

                             mami終於成功餵食小ti食人生中第一樣唔係甜既野

    就係mami之前喺網上訂購既 "和光堂三合一淡湯" 有粟米味 南瓜味同野菜味呀

                         

                           盒上提醒左mami邊隻湯係適合幾多個月既baby食嘅

                   mami之前一直唔敢比糊仔小ti食 淨係比過兩啖森永果汁佢飲

       始終驚小ti得三個月 係唔可以食糊仔住 (医生太<<我個客 話會食壞baby嘅腸胃)

                            糊仔要到六個月先食得咯 但係淡湯titi就可以享用呢

        和光堂呢個牌子係mami最信得過嘅 小ti一出世就飲和光堂奶粉 一直都好好呀

           於是mami喺網上見到 諗都唔諗就訂左 仲順便訂埋四個月可以食既明治米粉

                    每盒都係廿一蚊 好抵食呀 一盒有八袋 mami決定一星期比titi食一包

                      終於出動ti爸朋友既餵食用品 就係好多mami都揀既combi餐具

                        

                           呢套餐具嘅設計 真係for到寶寶學習進食嘅每個stage

       例如橙色spoon既手柄係內彎既 比寶寶容易掌握 仲有比mami壓菓蓉既spoon等等

                                           小ti初之體驗嚟啦

                                                                                                                                                             

             1. 倒粉末入小碗 配合初學進食小朋友專用小spoon (fit口型)

             2. 加熱水溶為淡湯 (mami之後試過 係有奶味既南瓜湯 唔怕佢之後唔食奶卦)

             3. mami比左一包未開既湯粉小ti 你睇佢幾為食丫

             4. 小ti肯食 但冇爭食 一細啖一細啖吞落肚

                               唔知點解 見到小ti唔洗淨係食奶 覺得好安慰 好開心

         雖然好想比其他野佢食 但始終唔敢亂嚟 就連尋日嘅淡湯都係比左幾啖佢食咋

                        第一次用匙羹食嘢  mami梗係有用video影底啦 去片

　　　

              又要喊又要嗒 喊住嚟嗒 但都好彩 肯食兩啖 不枉我訂返嚟 唉