初五mami幫titi逗埋利是

  

 

   

      初五係mami返工搵真銀 搏殺嘅大日子

  事關可以同客拜個靚年 逗個靚利是 呵呵 年年呢個時候都唔會放大假

    做銀行喺呢個時間放大假

   一係就錢多得滯 一係就蠢旦

    mami就梗係兩樣都唔係啦 所以一早起身扮靚靚 返工準備逗利是

   一返到公司 就"餵"飽d化骨龍先 (好多未結婚嘅同事呢)

d化骨龍都好聽話咁講幾句祝賀說話 都算係咁啦

    九點鐘  開門啦喂 yeah mami即刻企出個大堂度 四萬咁口 見到熟客

    一句:身體健康呀    $50

    一句 :心想事成    $20

    再嚟熟客一句: 今年搵多d    $100

 另外再熟d都唔洗講就比張金野你啦

  yeah! mami今日嘅時薪過晒$500呀 勁happy 一年爽一次多好

   今年titi都爽埋一份 d客好多都話 : 拿 呢封比你囡囡 祝佢快高長大

  mami就噢    : 唔洗客氣啦 你又見唔到佢

客就笑笑口 : 見唔到 我錫佢 比佢得唔得啫?

mami拍拍客人嘅手    : 得! 咁多謝晒啦 身體健康吓!

  就係咁 titi今日唔蒲頭都有六百幾蚊呀 (mami就xxxx 呵呵)

  mami仲有好多客未嚟呀!!!

  titi 大個咪話mami唔醒你呀!