上回講到ti爸轉校open day open day完 就同佢嘅老死同學
包括主任 訓導主任同書記即興去bbq呀
地點係小欖燒烤場 我地一去到就揀左海邊位
尋日燒得好開心 天氣陰陰涼涼 氣氛一流
ti爸同佢嘅老死真係好開心 
喺佢嘅同學仔面前 ti爸表現到佢自然嘅一面
自然嘅意思 係唔造作 真心對待佢嘅朋友仔 
燒d咩? 有豬扒 牛扒 腎 腸仔呀 雞翼 丸丸 叉燒粒......
titi全晚好似好想食咁 但sorry呀 你仲細冇你份呀
除左食之外 我仲買左好多激筍玩具
仲有好多超平嘅tee呀 例如 下面三PACK車 都係八十蚊咋
黃色嗰架泥頭車 可以比titi去沙灘玩沙 (呢架都百幾蚊啦)
救火車同"白車"就梗係用嚟教佢啦
最後架拖車 尋晚titi已經研究完佢 
識得打開車尾箱 扯嗰兩架車出嚟
再放返入去啦!!! (咁當然係慢動作啦)
其實仲有好多筍野 冇pose出嚟 但大家去嗰陣要慢慢揀呢!
ti爸嘅同學仔仲話約去元朗 期待下次嘅gathering啦!
(Titi is sleeping!!! Shu!!!)
沒有留言:
張貼留言